Norður
♠ Á964
♥ D
♦ 6
♣ ÁDG9765
Vestur
♠ K8
♥ G1084
♦ KG109852
♣ --
Austur
♠ D1052
♥ K9763
♦ 43
♣ 102
Suður
♠ G73
♥ Á52
♦ ÁD7
♣ K843
Suður spilar 6♣.
„Í hverri sveit sem eitthvað kveður að í bandarískum brids er einn kostari og fimm kostgangarar.“ Magnús mörgæs telur víst að Kiki Ward-Platt sé kostari. Hún sást fyrst á hinu alþjóðlega leiksviði árið 2015 og hefur stundum náð ágætum árangri, nú síðast í Spingold-keppninni í Toronto þar sem sveit hennar endaði í öðru sæti. Kiki missti af vinningsleiðinni í slemmunni að ofan frá 8-liða úrslitum. Útspilið var hjartagosi.
Vinningsleiðin felst í því að hreinsa upp rauðu litina og spila svo spaðaás og spaða. Vestur er þá varnarlaus með kónginn annan. Annar möguleiki er að treysta á spaðahjónin í austur – spila litum spaða úr borði að gosanum eftir nauðsynlegan undirbúning. Það gengur ekki.
„Hvað gerði Kiki?“ vildi Óskar ugla vita.
„Tölum ekki um það,“ svaraði Magnús og hellti kaffi í bollana.