Skalli Ögmundur Kristinsson markvörður Vals og Ísak Snær Þorvaldsson sóknarmaður Breiðabliks eigast við í leiknum á Hlíðarenda í gærkvöldi.
Skalli Ögmundur Kristinsson markvörður Vals og Ísak Snær Þorvaldsson sóknarmaður Breiðabliks eigast við í leiknum á Hlíðarenda í gærkvöldi. — Morgunblaðið/Arnþór Birkisson
Anton Ari Einarsson átti frábæran leik í marki Breiðabliks þegar liðið heimsótti Val á Hlíðarenda í frestuðum leik úr 16. umferð Bestu deildar karla í knattspyrnu á Hlíðarenda í gær en leiknum lauk með sigri Breiðabliks, 2:0

Anton Ari Einarsson átti frábæran leik í marki Breiðabliks þegar liðið heimsótti Val á Hlíðarenda í frestuðum leik úr 16. umferð Bestu deildar karla í knattspyrnu á Hlíðarenda í gær en leiknum lauk með sigri Breiðabliks, 2:0.

Valsmenn fengu hættulegri færi í fyrri hálfleik en Damir Muminovic kom Blikum yfir á 38. mínútu af stuttu færi úr teignum eftir hornspyrnu Höskuldar Gunnlaugssonar.

Jafnræði var með liðunum í síðari hálfleik en á 67. mínútu slapp Ísak Snær Þorvaldsson í gegn um vörn Valsmanna eftir vandræðagang í öftustu víglínu. Ísak gerði engin mistök og skoraði af öryggi fram hjá Ögmundi Kristinssyni í marki Vals.

Með sigrinum minnkaði Breiðablik forskot Víkings úr Reykjavík í einungis þrjú stig á toppi deildarinnar en Víkingar eru með 40 stig og Blikar 37 stig.

Valsmenn, sem hefðu með sigri í gær getað jafnað Breiðablik að stigum, eru með 31 stig í þriðja sætinu, þremur stigum meira en nýliðar ÍA sem eru í fjórða sæti deildarinnar.

VALUR – BREIÐABLIK 0:2

1:0 Damir Muminovic 38.

2:0 Ísak Snær Þorvaldsson 67.

m m

Anton Ari Einarsson (Breiðabliki)

Höskuldur Gunnlaugsson (Breiðabl.)

m

Jakob Franz Pálsson (Val)

Bjarni Mark Duffield (Val)

Gylfi Þór Sigurðsson (Val)

Damir Muminovic (Breiðabliki)

Kristinn Jónsson (Breiðabliki)

Kristinn Steindórsson (Breiðablik)

Andri Rafn Yeoman (Breiðabliki)

Dómari: Vilhjálmur A. Þórarins. – 8.

Áhorfendur: 821.