Norður ♠ K93 ♥ KD1043 ♦ K43 ♣ ÁK Vestur ♠ DG8765 ♥ – ♦ G72 ♣ G1092 Austur ♠ 10 ♥ G95 ♦ D1095 ♣ D6543 Suður ♠ Á42 ♥ Á8762 ♦ Á8762 ♣ 87 Suður spilar 6♥

Norður

♠ K93

♥ KD1043

♦ K43

♣ ÁK

Vestur

♠ DG8765

♥ –

♦ G72

♣ G1092

Austur

♠ 10

♥ G95

♦ D1095

♣ D6543

Suður

♠ Á42

♥ Á8762

♦ Á8762

♣ 87

Suður spilar 6♥.

Suður opnar á 1♥ og vestur hindrar í 2♠. „Já,“ hugsar norður og stekkur í 4G til að spyrja um lykilspil. Suður játar þremur með 5♣ og norður segir 5♠ í leit að sjö. „Nei,“ segir suður með 6♥ og norður passar með semingi. Laufgosi út.

Ekki gott. Blindur er fullkomin spegilmynd af spilum suðurs og engin millispil til að vinna með. Og þó. Nían í spaða er ekki algerlega verðlaus. Sagnhafi tekur þrisvar tromp og spilar síðan litlum spaða að blindum. Og hvað gerir vestur?

Vestur ætti að setja lítinn spaða, en ef hann hugsar ekki málið til enda gæti hann farið upp með gosann. Ef það gerist fellur tían undir kónginn og nían í borði myndar gaffal með ásnum heima. Þá er eftirleikurinn auðveldur: Sagnhafi tekur annan slag á lauf, spilar tígli þrisvar og leggur upp með þeim orðum að honum sé sama hvor taki tígulslaginn.