Norður
♠ 6
♥ KD108652
♦ ÁG
♣ Á109
Vestur
♠ 109742
♥ G7
♦ K10
♣ DG53
Austur
♠ –
♥ 94
♦ D9876542
♣ K85
Suður
♠ ÁKDG853
♥ Á3
♦ 3
♣ 742
Suður spilar 7♠.
„Þrjú komma níutíu og eitt prósent.“ Óskar ugla lagði alfræðiritið gætilega frá sér á eldhúsborðið. Þessi mikla bók hans var orðin snjáð og rifin eftir áratuga notkun og Óskar fór um hana mjúkum höndum. Hann hafði flett því upp að líkur á 5-0-legu væru aðeins 3,91%.
Sveit Grant Thorntons var ólánsöm í þessu spili, sem kom upp í bikarleik við Karl Sigurhjartarson og félaga. Stefán Stefánsson og Magnús Eiður Magnússon voru í NS á öðru borðinu. Austur opnaði á 3♦ og Magnús stökk í 4♠. Stefán spurði um lykilspil á 4G og fékk upp þrjú með 5♣. Stefán leitaði þá eftir drottningunni í spaða með 5♥. Magnús játaði drottningunni með stökki í 6♠ og Stefán hækkaði í 7♠. Sú ákvörðun hefði skilað Grant 11 stigum í 96,09% tilfella, en hér greiddu Grantverjar 14 stig fyrir einn niður (6♠ voru spilaðir á hinu borðinu).