Norður
♠ KG64
♥ DG962
♦ 965
♣ 6
Vestur
♠ 5
♥ K10
♦ ÁK8432
♣ 10872
Austur
♠ 98732
♥ 74
♦ DG107
♣ 53
Suður
♠ ÁD10
♥ Á853
♦ –
♣ ÁKDG94
Suður spilar 6♣.
„Styrkurinn liggur í þokunni.“ Multi-sagnvenjan kom til tals á kaffifundi nýlega. Tilefnið var spil frá bikarleik Grants Thorntons og Karls Sigurhjartarsonar. Grantverjinn Guðmundur Snorrason í austur opnaði í þriðju hendi á multi 2♦! – veikir tveir í hjarta eða spaða. Magnús mörgæs var á staðnum og horfði yfir öxlina á suðri, sem doblaði. Vestur sagði pass og norður 2♥. „Hvað nú?“ Magnús leit spyrjandi á félaga sína.
Óskar ugla: „Pass vesturs lofar væntanlega tígli, svo að við ættum að geta krafið með 3♦. Raunar er freistandi að beita fráfærunni og spyrja um lykilspil fyrir utan tígul með 5♦.“
Gölturinn: „Mig langar ekki að spila tígulsamning, hvorki bút né geim! Þá myndi ég frekar nota Jósefínu gömlu, segja 5G til að biðja makker að fara í sjö með tvo af þremur efstu. Hvað gerði suður?“
„Hann missti kjarkinn og stökk í 6♣.“