Norður
♠ 942
♥ 8762
♦ 742
♣ 854
Vestur
♠ 86
♥ D1093
♦ D103
♣ D1062
Austur
♠ 73
♥ 3
♦ KG96
♣ ÁKG973
Suður
♠ ÁKDG105
♥ ÁKG5
♦ Á85
♣ –
Suður spilar 4♠.
„Ég á eina níu – hjálpar það eitthvað?“ Norður var hálfskömmustulegur þegar hann lagði upp blindan í 4♠, enda fátt til að monta sig af. Austur opnaði á Standard-laufi, suður doblaði, vestur sagði 1♥ og austur 2♣. Eftir þessa þróun gaf suður slemmu upp á bátinn og stökk í 4♠. Útspil: lítið lauf.
„Það er aldrei að vita,“ svaraði suður og horfði hugsandi á níuna í spaða. Hún gæti komið að notum. Suður trompaði útspilið hátt, tók trompin með ♠ÁK, lagði niður hjartaás og spilaði tígulás og tígli. Vörnin tók sína tvo slagi á tígul og spilaði laufi, sem suður trompaði – hátt, auðvitað. Nú var kominn tími til að spila spaðafimmu á níuna í borði. Austur varð að fara niður á eitt lauf og sagnhafi notaði innkomuna í borði til að fjarlægja það með stungu. Spilaði svo litlu hjarta undan kóng-gosa!
„Takk makker. Nían gerði útslagið.“