Ungur hvítabjörn gekk um Höfðaströnd

Hvítabjörn kom í land við Höfðaströnd í Jök­ul­fjörðum í gær en tilkynning um björninn barst lögreglu á öðrum tímanum.

Lögreglulið frá Ísafirði og séraðgerðasveit Landhelgisgæslunnar voru kölluð til og mættu á svæðið rétt fyrir fjögur. „Dýrið fannst í fjör­unni skammt frá sum­ar­húsi sem er við Höfðaströnd og var fellt þarna á staðnum. Í sum­ar­hús­inu er ein full­orðin mann­eskja sem held­ur þar til,“ sagði Hlyn­ur Haf­berg Snorra­son, yf­ir­lög­regluþjónn hjá lög­regl­unni á Vest­fjörðum, um aðgerðina en nauðsynlegt var að fella björninn til að tryggja öryggi.

Flogið var í kjölfarið með hræið til Reykjavíkur þar sem það verður rannsakað af sérfræðingum Náttúrufræðistofnunar. Af frumskoðun að ráða var um ungan hún að ræða, eins til tveggja vetra gamlan.