Messur

ÁRBÆJARKIRKJA | Guðsþjónusta sunnudag kl. 11. Kór Árbæjarkirkju mun syngja og leiða almennan safnaðarsöng undir stjórn og undirleik Krisztinu K. Szklenár. Sr. Dagur Fannar Magnússon þjónar fyrir altari og prédikar.
Sunnudagaskóli kl. 13. Taktu með þér uppáhalds tuskubangsann þinn!

ÁSKIRKJA | Messa kl. 13. Sr. Sigurður Jónsson prédikar og þjónar fyrir altari. Kór Áskirkju syngur. Organisti er Bjartur Logi Guðnason. Að messu lokinni verður kynningarfundur um fermingarstarf vetrarins fyrir væntanleg fermingarbörn og foreldra þeirra og forráðamenn haldinn í kirkjunni. Hressing í Ási eftir messu.

BESSASTAÐASÓKN | Sunnudagaskóli í Brekkuskógum 1 kl. 11. Umsjón með stundinni hafa Vilborg Ólöf, Þórarinn og Þórey María.
Kvöldguðsþjónusta í Garðakirkju kl. 20. Lærisveinar hans leika undir sönginn, sérstakur gestasöngvari Steini í Hjálmum. Sr. Hans Guðberg og Vilborg Ólöf djákni þjóna fyrir altari.

BOÐUNARKIRKJAN | Samkoma kl. 11. Predikun: Þröstur Steinþórsson.

BREIÐHOLTSKIRKJA | Guðsþjónusta kl. 11. Sr. Sigurjón Árni Eyjólfsson héraðsprestur þjónar. Kór kirkjunnar syngur undir stjórn Arnar Magnússonar organista.

BÚSTAÐAKIRKJA | Sunnudagaskóli kl. 11. Góð stund fyrir alla fjölskylduna þar sem lesnar eru sögur úr Biblíunni og sunnudagaskólalögin sungin. Guðsþjónusta kl. 13. Jónas Þórir organisti og Kammerkór Bústaðakirkju leiða söfnuðinn í söng. Sr. Sigurður Rúnar Ragnarsson prédikar og þjónar fyrir altari.

DIGRANESKIRKJA | Messa kl. 11. 30 ára vígsluafmæli kirkjunnar og innsetningarmessa. Félagar úr karlakór Kópavogs og tónlistarmaðurinn Kristján I. syngja. Gróa Hreinsdóttir er organisti. Sr. Bryndís Malla Elídóttir prófastur setur sr. Alfreð inn í embætti sem þjónar ásamt sr. Hildi Sigurðardóttur. Íþrótta- og sunnudagaskóli kl. 11. Súpa, kaffiveitingar og hoppukastalar eftir stundirnar.

DÓMKIRKJAN | Messa klukkan 11, sr. Sveinn Valgeirsson, Guðmundur Sigurðsson og Dómkórinn.

FELLA- OG HÓLAKIRKJA | Messa kl. 20. Sr. Bryndís Malla Elídóttir prófastur þjónar. Kór kirkjunnar syngur undir stjórn Arnhildar Valgarðsdóttur organista.

FRÍKIRKJAN Reykjavík | Fjölskyldustund sunnudag kl. 14. Tónlist flytja Barnakórarnir við Tjörnina undir stjórn Álfheiðar Björgvinsdóttur, Sönghópurinn við Tjörnina og Hljómsveitin Mantra undir stjórn Gunnars Gunnarssonar. Prestar Fríkirkjunnar leiða stundina.

GRAFARVOGSKIRKJA | Fermingarbarnamessa kl. 11 og Pálínuboð.
Við bjóðum fermingarbörn vetrarins velkomin! Fermingarbörn í Víkur- og Rimaskóla ásamt forráðamönnum er sérstaklega boðið til þessarar messu og kynningarfundar í kjölfarið. Prestar safnaðarins þjóna. Kór Grafarvogskirkju leiðir söng. Organisti er Lára Bryndís Eggertsdóttir. Sunnudagaskóli er á sama tíma á neðri hæð kirkjunnar. Umsjón hefur Hilda Sigurðardóttir guðfræðinemi. Vörðumessa kl. 13 í Kirkjuselinu í Spöng.

GRENSÁSKIRKJA | Fjölskylduguðsþjónusta kl. 11. Ásta Haraldsdóttir kantór kirkjunnar leikur á orgel. Söngkonur úr Domus Vox munu syngja. Sr. Sigríður Kristín leiðir stundina.

GRUND dvalar- og hjúkrunarheimili | Guðsþjónusta sunnudag í umsjón Félags fyrrum þjónandi presta kl. 14 í hátíðarsal Grundar. Prestur er Magnús Björnsson. Félagar úr Grundarkórnum leiða söng undir stjórn Kristínar Waage organista.

GUÐRÍÐARKIRKJA í Grafarholti | Guðsþjónusta kl. 11 verður helguð alþjóðlegum forvarnardegi sjálfsvíga og Gulum september, þar sem m.a. er lögð er áhersla á geðrækt. Sr. Leifur Ragnar Jónsson leiðir helgihaldið. Kór Guðríðarkirkju syngur undir stjórn Arnhildar Valgarðsdóttur. Hrafnkatla Valgeirsdóttir og Sirrý Gunnarsdóttir syngja einsöng. Lovísa Guðmundsdóttir kirkjuvörður. Sunnudagaskólinn verður á sínum stað á sama tíma.

HAFNARFJARÐARKIRKJA | Sunnudagaskóli kl. 11. Kvöldmessa með altarisgöngu kl. 20. Kammerkór Hafnarfjarðar syngur undir stjórn Kára Þormar organista. Sr. Sighvatur Karlsson prédikar og þjónar fyrir altari.

HALLGRÍMSKIRKJA | Messa og barnastarf kl. 11. Sr. Irma Sjöfn Óskarsdóttir prédikar og þjónar fyrir altari. Messuþjónar aðstoða. Organisti er Björn Steinar Sólbergsson. Félagar úr Kór Hallgrímskirkju leiða söng. Ragnheiður Bjarnadóttir og María Elísabet Halldórsdóttir sjá um sunnudagaskólann.

HÁTEIGSKIRKJA | Messa kl. 11. Sr. Solveig Lára Guðmundsdóttir fyrrverandi vígslubiskup á Hólum predikar og þjónar fyrir altari.
Karlakór Reykjavíkur syngur við messuna undir stjórn Friðriks Kristinssonar. Organisti er Lenka Mátéová. Kaffiveitingar að messu lokinni.

HJALLAKIRKJA Kópavogi | Helgistund kl. 20. Bræður Móse spila fyrir og með söfnuðinum. Sr. Alfreð þjónar. Kaffi og spjall eftir stundina.

HÓLANESKIRKJA Skagaströnd | Messa er kl. 17. Kirkjukórinn leiðir söng undir stjórn Hugrúnar Sifjar Hallgrímsdóttur. Vetrarstarfið verður kynnt. Kórfélagar sem sungið hafa lengur en 30 ár í kórnum verða heiðraðir. Fermingarbörn vorsins 2025 eru boðin velkomin ásamt forráðamönnum verður fundur með þeim eftir stundina. TTT- börn 10-12 ára og sunnudagaskólabörnin eru hvött til að koma svo og hin sem eru á ýmsum aldri. Bryndís Valbjarnardóttir prestur.

KEFLAVÍKURKIRKJA | Kvöldmessa kl. 20. Sr. Erla Guðmundsdóttir þjónar fyrir altari og Elva Björk Sigurðardóttir er messuþjónn. Kór Keflavíkurkirkju syngur undir stjórn Arnórs Brynjars Vilbergssonar organista.

Kirkja heyrnarlausra | Messa í Grensáskirkju kl. 14. Táknmálskórinn syngur undir stjórn Eyrúnar Ólafsdóttur. Sr. Kristín Pálsdóttir prédikar. Kaffisopi eftir messu.

Kirkjuselið í Spöng | Vörðumessa kl. 13. Sr. Sigurður Grétar Helgason þjónar, Vox Populi leiðir söng. Organisti er Lára Bryndís Eggertsdóttir.

KIRKJUVOGSKIRKJA Höfnum | Messað í Ytri-Njarðvíkurkirkju kl. 17. Sr. Helga Kolbeinsdóttir leiðir kyrrðarbænamessu. Félagar úr kór Njarðvíkurkirkju leiða söng undir stjórn Rafns Hlíðkvist. Regína Rósa Harðardóttir kynnir kyrrðarbænastundir í Ytri-Njarðvíkurkirkju á þriðjudögum. Sunnudagaskóli á sama tíma í umsjón Höllu Marie Smith.

KÓPAVOGSKIRKJA | Guðsþjónusta kl. 11. Sr. Sigurður Arnarson prédikar og þjónar fyrir altari. Félagar úr kór Kópavogskirkju syngja undir stjórn Elísu Elíasdóttur organista. Leiðsögn um glugga Gerðar Helgadóttur kl. 12 í samvinnu við starfsfólk Gerðarsafns. Sunnudagaskólinn á sama tíma í safnaðarheimilinu Borgum, barna- og æskulýðsstarfsfólk leiðir.

LANGHOLTSKIRKJA | Messa og sunnudagaskóli kl. 11. Góðir grannar syngja undir stjórn Egils Gunnarssonar. Organisti er Bjartur Logi Guðnason, sr. Ásta Ingibjörg Pétursdóttir prédikar og þjónar fyrir altari. Sara Grímsdóttir söngkona leiðir sunnudagaskólann. Kaffi og léttur hádegisverður að messu lokinni.

LAUGARNESKIRKJA | Messa kl. 11. Sr. Sigurður Jónsson þjónar fyrir altari og prédikar. Karlakórinn Esja syngur. Stjórnandi er Kári Allansson. Steinunn, Judith og Eva sjá um sunnudagaskólann á meðan. Kaffi og meðlæti í safnaðarheimilinu eftir messu.

LÁGAFELLSKIRKJA | Innsetningarmessa prestanna kl. 11. Sr. Hans Guðberg Alfreðsson prófastur Kjalarnesprófastsdæmis setur alla þrjá presta safnaðarins formlega inn í embætti. Sr. Arndís Linn sem sóknarprest Lágafellssóknar, sr. Henning Emil Magnússon og sr. Guðlaug Helgu Guðlaugsdóttur í starf presta við sóknina. Kirkjukór Lágafellsóknar syngur. Organisti er Árni Heiðar Karlsson. Messukaffi í safnaðarheimilinu, Þverholti 3, eftir messu. Sunnudagaskóli kl. 13.

LINDAKIRKJA í Kópavogi | Sunnudagaskóli kl. 11. Guðsþjónusta kl. 20. Kór Lindakirkju leiðir lofgjörð undir stjórn Óskars Einarssonar. Sr. Ólafur Jóhann Borgþórsson.

NESKIRKJA | Messa kl. 11. Félagar úr Kór Neskirkju syngja undir stjórn Steingríms Þórhallssonar organista. Sr. Steinunn Arnþrúður Björnsdóttir leiðir barnastarfið sem hefst á sama tíma. Kaffi og meðlæti á Torginu að messu lokinni. Prestur er Skúli S. Ólafsson.

NJARÐVÍKURKIRKJA Innri-Njarðvík | Messað í Ytri-Njarðvíkurkirkju kl. 17. Sr. Helga Kolbeinsdóttir leiðir kyrrðarbænamessu. Félagar úr kór Njarðvíkurkirkju leiða söng undir stjórn Rafns Hlíðkvist. Regína Rósa Harðardóttir kynnir kyrrðarbænastundir í Ytri-Njarðvíkurkirkju á þriðjudögum. Sunnudagaskóli á sama tíma í umsjón Höllu Marie Smith.

ÓHÁÐI SÖFNUÐURINN | Tónlistarmessa kl. 14. Sr. Pétur þjónar fyrir altari og Vox gospel sér um tónlistina undir stjórn Matthíasar
kórstjóra. Þeir Matthías og Hálfdán VÆB
bræður sjá um barnastarfið hjá Óháða söfnuðinum í vetur. Þar munu þeir vera með fræðslu, leiki og söng meðan á messu stendur. Maul eftir messu.

SELJAKIRKJA | Hausthátíð barnastarfsins kl. 11. Prestarnir og Bára leiða stundina, Tommi spilar á píanóið og Rebbi og Mýsla kíkja í heimsókn. Eftir stundina verður boðið upp á hoppukastala og góða hressingu fyrir allan krakkaskarann.
Guðsþjónusta kl. 13, sr. Sigurður Már Hannesson prédikar og þjónar fyrir altari og félagar úr kór Seljakirkju leiða safnaðarsöng. Organisti er Tómas Guðni Eggertsson.

SELTJARNARNESKIRKJA | Fræðslumorgunn kl. 10. Upphaf Ísraelsríkis nútímans. Sæmundur Rögnvaldsson sagnfræðingur talar. Guðsþjónusta kl. 11. Sr. Bjarni Þór Bjarnason þjónar. Friðrik Vignir Stefánsson er organisti. Félagar úr Kammerkór Seltjarnarneskirkju syngja. Kaffiveitingar í safnaðarheimilinu eftir athöfn. Á miðvikudag er morgunkaffi kl. 9-11. Orri Páll Jóhannsson alþingismaður kemur í heimsókn. Kyrrðarstund kl. 12. Léttar veitingar eftir athöfn.

VÍDALÍNSKIRKJA | Sunnudagaskóli við Urriðaholtsskóla kl. 10 (ath. í vetur verður sunnudagaskólinn í kennslustofu í gámaeiningu við hlið skólans) og í Safnaðarheimili Vídalínskirkju kl. 11. Söngur, saga, brúðuleikrit og leikir.
Messa í Vídalínskirkju kl. 11. Sr. Matthildur Bjarnadóttir prédikar og þjónar fyrir altari. Kór Vídalínskirkju syngur undir stjórn Jóhanns Baldvinssonar organista. Messukaffi að loknum athöfnum.

VÍÐISTAÐAKIRKJA í Hafnarfirði | Sunnudagaskóli kl. 11 uppi í Suðursal í umsjá Ísabellu Leifsdóttur og Helga Hjálmtýssonar. Messa kl. 11. Kór Víðistaðsóknar syngur undir stjórn Sveins Arnars Sæmundssonar organista og sr. Sigurður Kr. Sigurðsson þjónar fyrir altari. Kaffihressing í safnaðarsal á eftir.

YTRI-Njarðvíkurkirkja | Messað í Ytri-Njarðvíkurkirkju kl. 17. Sr. Helga Kolbeinsdóttir leiðir kyrrðarbænamessu. Félagar úr kór Njarðvíkurkirkju leiða söng undir stjórn Rafns Hlíðkvist. Regína Rósa Harðardóttir kynnir kyrrðarbænastundir í Ytri-Njarðvíkurkirkju á þriðjudögum Sunnudagaskóli á sama tíma í umsjón Höllu Marie Smith.