Guðrún örugg á Suðurlandi en sumir féllu

Guðrún Hafsteinsdóttir dómsmálaráðherra skipar fyrsta sætið á lista Sjálfstæðisflokksins í Suðurkjördæmi. Vilhjálmur Árnason, alþingismaður og ritari Sjálfstæðisflokksins, skipar annað sætið. Þau voru bæði sjálfkjörin á fundi kjördæmisráðs í gær. Ingveldur Anna Sigurðardóttir, lögfræðingur og varaþingmaður í Rangárþingi eystra, skipar þriðja sætið og Gísli Stefánsson, bæjarfulltrúi og framkvæmdastjóri í Vestmannaeyjum, skipar fjórða sætið. Alþingismennirnir Ásmundur Friðríksson og Birgir Þórarinsson náðu ekki kjöri en Birgir mun skipa heiðurssæti listans.

Í fimmta sæti er Krist­ín Linda Jóns­dótt­ir sál­fræðing­ur, í sjötta sæti Guðberg­ur Reyn­is­son, bæj­ar­full­trúi og fram­kvæmda­stjóri, í sjöunda sæti Krist­ín Trausta­dótt­ir viðskipta­fræðing­ur, í áttunda sæti Gauti Árna­son for­seti bæj­ar­stjórn­ar og í níunda sæti Írena Gests­dótt­ir viðskipta­fræðing­ur.

Nýr oddviti sjálfkjörinn

Ólaf­ur Ad­olfs­son lyfsali á Akranesi var sjálf­kjör­inn odd­viti Sjálfstæðisflokks­ins í Norðvesturkjördæmi. Í öðru sæti er Björn Bjarki Þorsteinsson sveitarstjóri Dalabyggðar en hann hafði betur í kosningu á móti Teiti Birni Einarssyni alþingismanni sem tekur ekki sæti á listanum. Í þriðja sæti er Auður Kjartansdóttir fjármálastjóri og í fjórða sæti er Dagný Finnbjörnsdóttir, íþrótta- og æskulýðsfulltrúi á Vestfjörðum. Í fimmta sæti Gunnar Hnefill Örlygsson framkvæmdamaður á Húsavík, í sjötta sæti Gunnlaug Helga Ásgeirsdóttir háskólanemi, í sjöunda sæti er Hanna Sigríður Ásgeirsdóttir sjálfstæður atvinnurekandi á Siglufirði, í áttunda sæti er Ketill Sigurður Jóelsson verkefnastjóri og í níunda sæti er Ásta Arnbjörg Pétursdóttir, bóndi og fjölskyldufræðingur.

Oddvitaskipti í Norðaustur

Jens Garðar Helga­son fram­kvæmda­stjóri trygg­ði sér odd­vita­sæti Sjálf­stæðis­flokks­ins í Norðaust­ur­kjör­dæmi gegn sitj­andi odd­vita, Njáli Trausta Friðberts­syni alþingismanni. Njáll Trausti skipar annað sætið. Berglind Ósk Guðmundsdóttir alþingismaður náði ekki kjöri. Í þriðja sæti hafnaði Berg­lind Harpa Svavars­dótt­ir varaþingmaður, í fjórða sæti Jón Þór Kristjánsson, forstöðumaður hjá Akureyrarbæ, í fimmta sæti Telma Ósk Þórhallsdóttir, Akureyri, í sjötta sæti Sigríður Jódís Gunnarsdóttir, Dalvíkurbyggð, í sjöunda sæti Þorsteinn Kristjánsson, Akureyri, í áttunda sæti Hafrún Olgeirsdóttir, Norðurþingi, og í níunda sæti Barbara Izabela Kubielas, Fjarðabyggð.