Skák

1. Rf3 Rc6 2. e4 e5 3. Rc3 Rf6 4. Bb5 Bc5 5. 0-0 d6 6. d4 exd4 7. Rxd4 Bd7 8. Bxc6 bxc6 9. Bg5 h6 10. Bh4 g5 11. Bg3 h5 12. e5 h4 13. exf6 Dxf6 14. Rb3 hxg3 15. Rxc5 gxh2+ 16. Kh1 dxc5 17. He1+ Be6 18. Re4 Df5 19. Dd3 Hh4

Staðan kom upp í efstu deild, úrvalsdeild, fyrri hluta Íslandsmóts skákfélaga sem lauk fyrir skömmu í Rimaskóla. Alexander Oliver Mai (2.156) hafði hvítt gegn Jóhanni Helga Sigurðssyni (1.974). 20. Rd6+! Kf8 og svartur gafst upp um leið enda drottningin að falla í valinn eftir 21. Rxf5. Heimsmeistaraeinvígi Dings, núverandi heimsmeistara frá Kína, og Gukesh, áskorandans frá Indlandi, hefst síðar í þessari viku. Nánar tiltekið er áætlað að það standi yfir frá 25. nóvember til og með 13. desember. Upplýsingar um einvígið og aðra skákviðburði má m.a. finna á skak.is.