Skemmdir Unnið var að viðgerð á húsnæði Landsbankans í gær.
Skemmdir Unnið var að viðgerð á húsnæði Landsbankans í gær. — Morgunblaðið/Eyþór
Tölu­vert tjón varð þegar maður á jeppa bakkaði í gegn­um rúðu Lands­bank­ans á Fjarðargötu í Hafnar­f­irði í fyrrinótt. Þegar inn var komið festi maður­inn keðju við hraðbanka sem stend­ur inn­an ­dyra og reyndi að losa hann með því að aka bíln­um af stað

Tölu­vert tjón varð þegar maður á jeppa bakkaði í gegn­um rúðu Lands­bank­ans á Fjarðargötu í Hafnar­f­irði í fyrrinótt. Þegar inn var komið festi maður­inn keðju við hraðbanka sem stend­ur inn­an ­dyra og reyndi að losa hann með því að aka bíln­um af stað.

Ekki gekk það bet­ur en svo að taum­ur­inn gaf sig og hafði maður­inn sig á brott í kjöl­farið. Rún­ar Pálma­son upp­lýs­inga­full­trúi Lands­bank­ans seg­ir að til­raun­in hafi verið al­gjör­lega mis­heppnuð. Maður­inn hafi fest ann­an enda keðjunn­ar í rauf þar sem pen­ing­ar koma út við notk­un á bank­an­um en hinn end­inn var fest­ur við bíl­inn. „Hraðbank­inn haggaðist ekki, enda kirfi­lega fast­ur. Ræn­ing­inn gerði ekki aðra til­raun og ók á brott,“ seg­ir Rún­ar. Skúli Jóns­son, stöðvar­stjóri hjá lög­regl­unni í Hafnar­f­irði, seg­ir að í ljós hafi komið að jepp­inn sem notaður var til verks­ins var stol­inn. Skemmd­ar­varg­ur­inn var ófund­inn síðdegis í gær. vidar@mbl.is