Áslaug Arna Sigurbjörnsdóttir alþingismaður skrifaði áramótakveðju á facebooksíðu sína og vék þar sérstaklega að tveimur atvinnuvegum sem ríkisstjórnin hefur boðað aðgerðir gagnvart: „Það liggur nokkuð ljóst fyrir að ríkisstjórnin ætlar að valda óvissu meðal tveggja af meginstoðum hagkerfisins, í sjávarútvegi og ferðaþjónustu, með því að gefa út óljós skilaboð um aukna skattheimtu.
Sjávarútvegurinn og ferðaþjónustan þurfa ekki, frekar en aðrar atvinnugreinar, á óvissu að halda. Reynsla síðustu ára ætti að hafa kennt okkur að það er ekkert sjálfgefið þegar kemur að þessum mikilvægu atvinnugreinum.“
Og Áslaug Arna hélt áfram og benti á að ferðamennirnir kæmu ekki hingað til lands af sjálfum sér, „þá þarf að sækja með öflugri markaðssetningu og kynningu – og þá þurfa að liggja fyrir fjárfestingar af hálfu einkaaðila í hótelum, afþreyingu og öðru. Að sama skapi liggur ekkert fyrir um árangur af fiskveiðum (þar nægir að horfa til loðnubrests síðustu ára) auk þess sem Ísland á í harðri samkeppni við mun stærri þjóðir um sölu og markaðssetningu á sjávarafurðum.“
Þá benti hún á að það væri „ekki löstur á atvinnugreinum að ná árangri, skila hagnaði, búa til verðmæti, fjárfesta í nýsköpun og svo framvegis“. Landsmenn þurfa á öflugu atvinnulífi að halda.
Til baka
Leita í greinasafni
Prenta grein