Þrjár sýningar í Listasafninu á Akureyri

Þrjár sýningar verða opnaðar í Listasafninu á Akureyri í dag, laugardaginn 25. janúar, klukkan 15. Það eru sýning Huldu Vilhjálmsdóttur Huldukona, sýning Kristjáns Guðmundssonar Átta ætinga r og sýning Þórðar Hans Baldurssonar og Þórunnar Elísabetar Sveinsdóttur Dömur mínar og herrar. Boðið verður upp á listamannaspjall með Huldu, Þórði og Þórunni kl. 15.45.

„Hulda er leitandi myndlistar­maður, en konan og endurfæðingarkrafturinn hafa verið sterk stef frá upphafi ferilsins,“ segir um Huldukonu í tilkynningu. „Kristján er einn þekktasti fulltrúi hugmyndalistar hér­lendis. Í verkum sínum og efnisvali gengur hann oft að mörkum viðtekinna skilgreininga á list,“ segir um Kristján og Átta ætinga en um verk Þórðar og Þórunnar á sýningu þeirra segir: „Verkin fá áhorfandann til að hugleiða forsendurnar sem hann gefur sér við fyrstu sýn tengdar kyni og sjálfsmynd.“