Norður ♠ KG10842 ♥ 10753 ♦ – ♣ KD3 Vestur ♠ D9653 ♥ Á92 ♦ 102 ♣ 1042 Austur ♠ 7 ♥ G ♦ ÁKG9543 ♣ Á976 Suður ♠ Á ♥ KD864 ♦ D876 ♣ G85 Suður spilar 4♥

Norður

♠ KG10842

♥ 10753

♦ –

♣ KD3

Vestur

♠ D9653

♥ Á92

♦ 102

♣ 1042

Austur

♠ 7

♥ G

♦ ÁKG9543

♣ Á976

Suður

♠ Á

♥ KD864

♦ D876

♣ G85

Suður spilar 4♥.

Bridsinn á toppnum getur stundum litið einkennilega út. Eitt dæmi um það sást í leik á WBT Masters-mótinu í Hörpu í vikunni þar sem nokkrir af sigursælustu spilurum heims tókust á.

Við annað borðið sátu sænsku tvíburarnir Mikael og Ola Rimstedt NS og pólsku heimsmeistararnir Michal Klukowski og Jacek Kalita AV. Þar opnaði Ola á 1♠ í norður, Kalita í austur sagði 2♦, Mikael sagði 2♥ og Ola leist svo vel á spilin sín að hann kannaði slemmu áður en hann passaði 4♥. 11 slagir og 450 í NS.

Við hitt borðið opnaði hollenski heimsmeistarinn Baz Drijver hins vegar á 3♠ með norðurspilin. Bandaríkjamaðurinn Adam Grossart í austur sagði 4♦ og Sjoert Brink í suður sagði pass, enda er ekki hægt að treysta mikið á hindrunaropnanir í fyrstu hendi á þessum hættum. 4♦ urðu lokasamningurinn, einn niður og 100 í NS.