Norður ♠ KG10 ♥ 853 ♦ 3 ♣ KDG976 Vestur ♠ D987532 ♥ – ♦ 1065 ♣ 1042 Austur ♠ 4 ♥ KG109742 ♦ D72 ♣ Á8 Suður ♠ Á6 ♥ ÁD6 ♦ ÁKG984 ♣ 53 Suður spilar 6G

Norður

♠ KG10

♥ 853

♦ 3

♣ KDG976

Vestur

♠ D987532

♥ –

♦ 1065

♣ 1042

Austur

♠ 4

♥ KG109742

♦ D72

♣ Á8

Suður

♠ Á6

♥ ÁD6

♦ ÁKG984

♣ 53

Suður spilar 6G.

Sveitin McAllisters vann öruggan sigur á WBT Masters-mótinu sem lauk í Hörpu á fimmtudag. Sveitin vann bæði undankeppnina og úrslitaleikinn gegn sveit Saxena með yfirburðum.

Spilið að ofan úr úrslitaleiknum snerist um að spila rétta slemmu. Við bæði borð opnaði norður á 1♣, austur stökk í 3♥, suður sagði 4♦ og norður 5♣. Við annað borðið sagði suður nú 5♥ sem vestur doblaði og norður lauk sögnum með 6♣. Tvíburarnir Ola og Mikael Rimstedt voru fljótir að hnekkja slemmunni þegar austur spilaði út hjarta sem vestur trompaði.

Við hitt borðið sagði John McAllister í suður 6G. Vestur spilaði út spaða. McAllister drap heima með ás, spilaði laufi á kóng, tígli heim á ás og aftur laufi sem austur drap og spilaði tígli. Suður stakk upp kóng, spilaði spaða á kóng og þegar hann tók laufaslagina var austur þvingaður í rauðu litunum.