Gatnagerðargjöld Gjöld á íbúðir í fjölbýli hækka um allt að 90%.
Gatnagerðargjöld Gjöld á íbúðir í fjölbýli hækka um allt að 90%. — Morgunblaðið/Karítas
Tillaga Einars Þorsteinssonar borgarstjóra um hækkun gatnagerðargjalda í Reykjavík var samþykkt af meirihluta borgarstjórnar á borgarstjórnarfundi sem haldinn var sl. þriðjudag. Það voru borgarfulltrúar meirihlutans, þ.e

Ólafur E. Jóhannsson

oej@mbl.is

Tillaga Einars Þorsteinssonar borgarstjóra um hækkun gatnagerðargjalda í Reykjavík var samþykkt af meirihluta borgarstjórnar á borgarstjórnarfundi sem haldinn var sl. þriðjudag.

Það voru borgarfulltrúar meirihlutans, þ.e. Samfylkingarinnar, Framsóknarflokksins, Pírata og Viðreisnar, sem greiddu atkvæði með tillögunni, en borgarfulltrúar Sjálfstæðisflokksins, Flokks fólksins og Vinstri-grænna voru á móti. Borgarfulltrúar Sósíalista sátu hjá.

Samþykkt þessarar tillögu hefur mikla hækkun gatnagerðargjalda í för með sér, en eins og frá var greint í Morgunblaðinu á þriðjudag munu gjöld fyrir 60 fermetra íbúð í fjölbýli hækka um 90%.

Slík hækkun byggingarkostnaðar sem hækkun gatnagerðargjaldanna hefur í för með sér er viðbótarskattur á húsbyggjendur og mun hafa neikvæð áhrif á húsnæðismarkaðinn í borginni, að mati borgarfulltrúa Sjálfstæðisflokksins. Sögðu þeir að með hækkuninni myndi Reykjavíkurborg enn auka álögur á húsbyggjendur og þar með íbúðakaupendur. Ekkert sveitarfélag á landinu legði jafnhá gjöld á húsbyggjendur og Reykjavíkurborg og töldu borgarfulltrúarnir líklegt að hækkun gatnagerðargjaldanna myndi skila sér í enn hærra íbúðaverði.

Höf.: Ólafur E. Jóhannsson