Kröftug og breið forysta

Sjálfstæðisflokkurinn hefur frá upphafi verið breiður vettvangur þar sem fólk úr ólíkum áttum sameinast um frelsi einstaklingsins og ábyrgð gagnvart samfélaginu. Að sama skapi þarf forystan að endurspegla þessa breidd, þannig að raddir sem flestra fái að heyrast. Ég tek því þá ákvörðun að bjóða mig fram til varaformanns Sjálfstæðisflokksins á komandi landsfundi og ætla að leggja mitt af mörkum til að styrkja flokksstarfið enn frekar.

Varaformannsframboð með nýjum áherslum

Flokkurinn mun ávallt byggja á þeirri sterku undirstöðu sem hann hefur, en til að tryggja stöðuga endurnýjun þurfum við að hlúa að fjölbreyttum sjónarmiðum. Varaformannsstarfið snýst ekki aðeins um að vera traustur bakhjarl formannsins heldur líka að fylgjast grannt með því sem er að gerast í samfélaginu, opna dyrnar fyrir nýjum hugmyndum og gefa ólíkum raddir pláss. Við megum ekki staðna í fjötrum gamalla vana, heldur sýna kjark til að hleypa inn fersku lofti.

Fjölbreytni

Styrkur Sjálfstæðisflokksins hefur lengi falist í því hversu fjölskrúðugur hann er. Hvort sem fólk starfar í frumkvöðlastarfi, landbúnaði, listum, smárekstri eða stórfyrirtækjum, þá á það samleið með okkur út frá trúnni á frelsi einstaklingsins og ábyrgð gagnvart hagsmunum heildarinnar. Sú fjölbreytni er okkur lífsnauðsynleg ef við viljum móta forystu sem talar til almennings um allt land.

Efnahagsumbætur innan ramma skynseminnar

Okkar verk hafa jafnan mótast af því að vilja lágmarka skriffinnsku og regluverk sem hamlar fólki í að koma hugmyndum sínum í framkvæmd. Það er klassískt sjálfstæðismál að ryðja þeim hindrunum úr vegi og skapa umhverfi fyrir verðmætasköpun. Um leið verðum við að gæta þess að nýta ólíka reynslu fólks úr atvinnulífinu og hlusta á þá sem glíma við erfiðleika. Þá skapast fjölbreyttara samtal sem skilar betri niðurstöðum fyrir samfélagið í heild.

Íhaldssemi og frjálslyndi haldast í hendur

Stundum er dregið í efa að Sjálfstæðisflokkurinn geti verið bæði íhaldssamur og frjálslyndur. En reynslan sýnir hið gagnstæða: Velgengnin liggur í því að varðveita það sem reynst hefur vel en jafnframt tileinka sér breytingar sem leiða til meiri lífsgæða. Við viljum sporna gegn óheftu ríkisumboði, en á sama tíma teljum við ríkisvaldinu ætlað nauðsynlegt hlutverk til að tryggja menningarlega og samfélagslega velferð, svo framarlega sem það hamli ekki einstaklingsframtakinu að óþörfu.

Saman á landsfundi – saman til sigurs

Nú um helgina er landsfundur Sjálfstæðisflokksins, þar sem við skerpum á stefnu og málefnaskrá flokksins og kjósum forystu til næstu ára. Ég býð mig fram til varaformennsku með það að leiðarljósi að styðja frelsi, minni ríkisafskipti og kröftugt innra starf flokksins. Ég hvet sem flesta til að vera með, leggja sitt af mörkum og móta sameiginlega framtíðarsýn, það er; Sjálfstæðisflokkur sem er bæði öflugur í hefðinni og nýtískulegur í anda tímans.