Stjarna sýningarinnar Þórhallur Sigurðsson, sjálfur Laddi, rennir hér snöggt yfir handritið rétt fyrir æfingu.
Stjarna sýningarinnar Þórhallur Sigurðsson, sjálfur Laddi, rennir hér snöggt yfir handritið rétt fyrir æfingu. — Morgunblaðið/Árni Sæberg
Leikstjórinn Ólafur Egill Egilsson sér ekki einungis um leikstjórn sýningarinnar því hann skrifaði einnig handritið ásamt Völu Kristínu Eiríksdóttur.
Lifandi tónlist Hljómsveitina skipa þeir Jón Ólafsson á píanó, Ólafur Hólm á trommur, Stefán Már Magnússon á gítar og Friðrik Sturluson á bassa.
Búningamátun Björgvin Franz Gíslason er einn af fjölmörgum leikurum sýningarinnar en hann er heldur betur þekktur fyrir sitt grín og sprell.
Kátir kórfélagar Í sýningunni stíga á svið tveir kórar, annars vegar Senjóríturnar og hins vegar Söngfjelagið, en í kórunum eru tugir félaga.
[ Smellið til að sjá stærri mynd ]
Þetta er Laddi, í leikstjórn Ólafs Egils Egilssonar, var frumsýnd á Stóra sviðinu á föstudaginn í Borgarleikhúsinu. Árni Sæberg ljósmyndari Morgunblaðsins brá sér baksviðs og fangaði þar nokkur skemmtileg augnablik hjá leikurunum, hljómsveitinni og öðrum aðstandendum sýningarinnar en í verkinu er farið yfir fjölbreyttan feril Ladda sem spannar 60 ár.