Raforka Huga þarf að öryggi orku- og veituinnviða að mati Samorku.
Raforka Huga þarf að öryggi orku- og veituinnviða að mati Samorku. — Morgunblaði/Arnþór Birkisson
Sveitarfélög verða eins og ríkið að sýna ábyrgð í uppbyggingu orku- og veitumannvirkja, með hliðsjón af skipulags- og leyfisveitingarvaldi þeirra, til að hægt sé að komast út úr því ójafnvægi framboðs og eftirspurnar sem núverandi umgjörð hefur valdið

Ólafur E. Jóhannsson

oej@mbl.is

Sveitarfélög verða eins og ríkið að sýna ábyrgð í uppbyggingu orku- og veitumannvirkja, með hliðsjón af skipulags- og leyfisveitingarvaldi þeirra, til að hægt sé að komast út úr því ójafnvægi framboðs og eftirspurnar sem núverandi umgjörð hefur valdið. Þetta kemur m.a. fram í ályktun aðalfundar Samorku sem haldinn var í gær.

Í ályktuninni segir að samtökin leggi ríka áherslu á nauðsyn þess að ráðast í umfangsmiklar framkvæmdir orku- og veitumannvirkja til að tryggja orkuöryggi, viðnámsþrótt og sjálfbæra nýtingu auðlinda. Einnig þurfi að huga í auknum mæli að öryggi orku- og veituinnviða. Dreifð orkuframleiðsla víða um land dragi úr áhættu og heildaráhrifum neikvæðra atburða á einstökum stöðum. Með orkuskiptum og frekari rafvæðingu samfélagsins skapist einstakt tækifæri til að draga úr áhættu og kostnaði sem fylgi því að þurfa að reiða sig á innflutt jarðefnaeldsneyti.

Einfalda þurfi ferli leyfisveitinga og skipulagsmála og horfa til þróunar í Evrópu varðandi umgjörð orkuflutnings og orkuvinnslu. Framleiðsla, flutningur og dreifing endurnýjanlegrar orku sé í þágu almannahagsmuna og uppbygging í orkuframleiðslu sé brýnt hagsmunamál almennings.

Höf.: Ólafur E. Jóhannsson