Norður ♠ KD9 ♥ 54 ♦ D43 ♣ K9865 Vestur ♠ Á10 ♥ ÁKG8732 ♦ 2 ♣ DG3 Austur ♠ 865 ♥ 1096 ♦ ÁG6 ♣ Á1072 Suður ♠ G7432 ♥ D ♦ K109875 ♣ 4 Suður spilar 4♠ doblaða

Norður

♠ KD9

♥ 54

♦ D43

♣ K9865

Vestur

♠ Á10

♥ ÁKG8732

♦ 2

♣ DG3

Austur

♠ 865

♥ 1096

♦ ÁG6

♣ Á1072

Suður

♠ G7432

♥ D

♦ K109875

♣ 4

Suður spilar 4♠ doblaða.

Það getur hangið á bláþræði hvort fórnir á hættunni borgi sig. Sverrir Ármannsson og Þorlákur Jónsson tóku ábatasama fórn í leik við Norðmenn á Norðurlandamóti öldunga um síðustu helgi en það munaði ekki miklu.

Við annað borðið spilaði Björn Eysteinsson 4♥ í vestur og fékk 12 slagi, 680. Við hitt borðið opnaði Sverrir á 2♠ í suður, sýndi 5-lit í ♠, a.m.k. 4-lit í láglit og 5-10 punkta. Jan Mikkelsen í vestur stökk í 4♥, Þorlákur sagði 4♠ og Øyvind Ludvigsen í austur doblaði.

Besta vörnin er að stytta sagnhafa í trompi en Mikkelsen spilaði út ♥Á og skipti í ♦2. Ludvigsen gat nú tekið á ásinn og gefið félaga sínum stungu en hann lét gosann nægja. Sverrir fékk á kóng og spilaði spaða. Vestur drap og spilaði ♣D sem Sverrir gaf í borði. Þegar austur lét lítið slapp Sverrir einn niður og AV fengu aðeins 200.