— AFP/Eyad Baba
Yfir 50 þúsund manns eru fallnir í árásum Ísraelsmanna í Palestínu, að sögn talsmanns heilbrigðisráðuneytis Hamas. Þá eru yfir 113 þúsund manns særðir. Erfitt er að sannreyna upplýsingar um fallna og særða í átökunum

Yfir 50 þúsund manns eru fallnir í árásum Ísraelsmanna í Palestínu, að sögn talsmanns heilbrigðisráðuneytis Hamas. Þá eru yfir 113 þúsund manns særðir.

Erfitt er að sannreyna upplýsingar um fallna og særða í átökunum. Sameinuðu þjóðirnar segja tölur Hamas þó marktækar en því mótmæla stjórnvöld í Ísrael.

Alls bjuggu um 2,3 milljónir á svæðinu áður en hernaðaraðgerðir Ísraels hófust gegn vígasveitum Hamas. Sé það rétt að 50 þúsund manns séu látnir, þá jafngildir það um 2,1% þjóðarinnar.

Hlé var gert á árásum um stund en þær hófust aftur í síðustu viku. Segir heilbrigðisráðuneyti Hamas nærri 700 manns hafa látist í árásum Ísraelshers síðan þá.

Til hliðar eru tveir sjúkrabílar sem um helgina voru sprengdir á geymslusvæði sjúkraliða.