Þingborg Þekkt hús við þjóðveginn.
Þingborg Þekkt hús við þjóðveginn. — Morgunblaðið/Sigurður Bogi
[ Smellið til að sjá stærri mynd ]
„Húsið, sem hefur að mörgu leyti hentað okkur vel, er illa farið og ljóst að Flóahreppur hefur ekki svigrúm til endurbóta. Því er sala á byggingunni í svo mörgu tilliti eðlileg,“ segir Margrét Jónsdóttir á Syðra-Velli í Flóa

Sigurður Bogi Sævarsson

sbs@mbl.is

„Húsið, sem hefur að mörgu leyti hentað okkur vel, er illa farið og ljóst að Flóahreppur hefur ekki svigrúm til endurbóta. Því er sala á byggingunni í svo mörgu tilliti eðlileg,“ segir Margrét Jónsdóttir á Syðra-Velli í Flóa. Hún er eigandi að Ullarversluninni Þingborg sem er í Gömlu-Þingborg, fyrrverandi skólahúsi og félagsheimili skammt fyrir austan Selfoss.

Nú hefur Flóahreppur selt Vegagerðinni húsið, sem er innan helgunarsvæðis núverandi hringvegar sem til stendur að breikka á næstu árum. Vinna við undirbúning þess er hafin og í fyllingu tímans víkur gamla húsið, byggt um 1930.

„Ég er ekkert á hrakhólum með búðina í bili, enda gilda leigusamningar áfram og húsið verður ekki rifið á næstunni. Við þurfum þó að fara að líta í kringum okkur,“ segir Margrét.

Á Þingborg eru seldar vörur frá um 100 manns, prjónafólki sem kemur víða að af landinu. Margt er í boði, en lopapeysur úr sérvalinni lambsull eru aðalsmerkið.

Höf.: Sigurður Bogi Sævarsson