Einbýlishús við Suðurgötu 26 var ekki lengi á sölu.
[ Smellið til að sjá stærri mynd ]
Ríkissjóður Íslands auglýsti fasteign sína við Suðurgötu 26 til sölu á dögunum. Húsið er oft nefnt Skólabær og er 406,7 fm að stærð. Húsið var reist 1928 og þykir setja svip sinn á miðbæ Reykjavíkur

Ríkissjóður Íslands auglýsti fasteign sína við Suðurgötu 26 til sölu á dögunum. Húsið er oft nefnt Skólabær og er 406,7 fm að stærð. Húsið var reist 1928 og þykir setja svip sinn á miðbæ Reykjavíkur. Ásett verð var 465.000.000 kr.

Í rauninni var um tvær fasteignir að ræða því gamli Skólabær stendur á lóðinni og þarfnast það hús allsherjarendurnýjunar og er ytra byrði þess friðað. Það hús var reist 1867 og er um 110 fm að stærð.

Húsið var hannað af Guðjóni Samúelssyni og Hjálmari Sveinssyni. Nú hefur það verið selt.

Kaupendur eru hjónin Jón Aðalbjörn Jónsson og Runólfur Vigfús Jóhannsson. Þeir reka félögin Esko og Burð svo einhver félög séu nefnd. Þeir greiddu 435.000.000 kr. fyrir húsið.

Marta María Winkel Jónasdóttir | mm@mbl.is