Skip Fækkað hefur töluvert í fiskiskipaflotanum á síðustu áratugum.
Skip Fækkað hefur töluvert í fiskiskipaflotanum á síðustu áratugum. — Morgunblaðið/Árni Sæberg
Fiskiskipum hefur hefur fækkað töluvert á undanförnum árum og voru 1.531 í árslok 2024. Til samanburðar voru fiskiskip hér á landi 1.814 talsins árið 2014. Þetta kemur fram á heimasíðu Hagstofu þar sem vitnað er til talna frá Samgöngustofu

Guðmundur Sv. Hermannsson

gummi@mbl.is

Fiskiskipum hefur hefur fækkað töluvert á undanförnum árum og voru 1.531 í árslok 2024. Til samanburðar voru fiskiskip hér á landi 1.814 talsins árið 2014.

Þetta kemur fram á heimasíðu Hagstofu þar sem vitnað er til talna frá Samgöngustofu.

Flest skipin á síðasta ári voru smábátar eða 820 og hefur fjöldi þeirra haldist mjög svipaður síðustu árin. Flestir smábátar eru á bilinu frá 3-7 tonn og um 88% smábátanna eru yfir 20 ára gamlir að sögn Hagstofunnar.

Togurum fækkar

Togurum hefur hins vegar fækkað jafnt og þétt á síðustu árum en þeir voru 70 árið 2004 en voru 37 á síðasta ári. Þá hefur vélskipum einnig fækkað með árunum, voru 869 árið 2004 en eru nú 675 talsins.

Lesa má úr gögnum Hagstofunnar að flest skip eru á Vestfjörðum, eða 398, og þar af eru smábátar 248. Næst flest eru skipin á Vesturlandi, 272, þá á Norðurlandi eystra, 204 og 198 skip eru skráð á Austfjörðum.

Af togurunum 37 eru níu á Norðurlandi eystra, fimm á höfuðborgarsvæðinu, Austurlandi og Suðurlandi, fjórir á Suðurnesjum og þrír á Vesturlandi, Vestfjörðum, og Norðurlandi vestra.

Höf.: Guðmundur Sv. Hermannsson