Kosningar Mark Carney mun samkvæmt könnunum halda starfinu.
Kosningar Mark Carney mun samkvæmt könnunum halda starfinu. — AFP/Geoff Robins
Þingkosningar fara fram í Kanada í dag þar sem talið er líklegt að Frjálslyndi flokkurinn fari með sigur af hólmi enn á ný. Mark Carney hafði nýlega tekið við sem forsætisráðherra Kanada og sem formaður frjálslyndra þegar hann boðaði til…

Þingkosningar fara fram í Kanada í dag þar sem talið er líklegt að Frjálslyndi flokkurinn fari með sigur af hólmi enn á ný.

Mark Carney hafði nýlega tekið við sem forsætisráðherra Kanada og sem formaður frjálslyndra þegar hann boðaði til skyndikosninga í lok mars, en upphaflega áttu kosningar að fara fram í haust. Fram að seinni hluta mars hafði Íhaldsflokkurinn mælst með meira fylgi en Frjálslyndir í um þrjú ár og í byrjun þessa árs mældist flokkurinn með yfir 44% fylgi og Frjálslyndir aðeins með um 22%.

Miklar sviptingar urðu þó á fylginu eftir að Donald Trump Bandaríkjaforseti byrjaði að beina spjótum sínum að Kanada og eftir að Justin Trudeau sagði af sér sem formaður og forsætisráðherra. Samkvæmt CBS mælist Frjálslyndi flokkurinn með 42,5% fylgi og Íhaldsflokkurinn með 38,9% fylgi. Frjálslyndir hafa verið við stjórnvölinn síðan 2015.