Aðalskipulag Reykjavíkur afgreitt 3. júlí
ÁBENDINGAR og athugasemdir
vegna aðalskipulags Reykjavíkur 19962016 voru lagðar fyrir skipulagsnefnd borgarinnar 9. júní og borgarráð 10. júní ásamt umfjöllun og svörum. Aðalskipulagið var kynnt mjög vandlega á auglýsingatíma, fyrst með kynningarfundum og sýningu í Ráðhúsi 3.9. maí og síðan kynningu á borgarskipulagi og með umfjöllun og auglýsingu í fjölmiðlum til loka maímánaðar. Á fyrri stigum skipulagsvinnunar var aðalskipulagstillagan kynnt almenningi, síðast á fréttamannafundi í febrúar sl.
Þessar kynningar hafa skilað góðri svörun borgarbúa og bárust athugasemdir við samtals 21 atriði. Í sumum tilfellum bárust margar athugasemdir við sama atriði. Aðlaga má skipulagið allflestum athugasemdunum og munu bréfritarar frá svör og upplýsingar um hvernig verður unnið úr ábendingum þeirra, segir í fréttatilkynningu.
Gert er ráð fyrir lokaafgreiðslu aðalskipulagsins í borgarstjórn 3. júlí en það verður lagt fram til fyrri umræðu á borgarstjórnarfundi 19. júní. Síðan verður aðalskipulagstillagan send til skipulagsstjóra ríkisins til umfjöllunar sem afgreiðir hana til umhverfisráðherra til staðfestingar.
Í framhaldi af samþykkt aðalskipulagsins í borgarstjórn verður unnið að útgáfu sérstakra þemahefta um umhverfis- og umferðarmál og um umhverfi og útivist (Græni vefurinn). Í þessum heftum verður stefnumörkun aðalskipulagsins í þessum mikilvægu málaflokkum fylgt nánar eftir með tillögum og upplýsingum til borgarbúa. Úgáfa þemahefta er áætluð um næstu áramót.