ÍTALSKI óperusöngvarinn Luciano Pavarotti tilkynnti í gær að hann hygði á upptökur með bandaríska poppsöngvaranum Michael Jackson, ásamt fleirum. "Við erum byrjaðir að ræða þetta," sagði Pavarotti við fréttamenn í heimabæ sínum, Modena á Ítalíu, í gær. Þar mun hann halda konsert í kvöld með Plácido Domingo og José Carreras. Er þess vænst að Jackson verði meðal áheyrenda.
Pavarotti og Michael Jackson

Modena. Reuter.

ÍTALSKI óperusöngvarinn Luciano Pavarotti tilkynnti í gær að hann hygði á upptökur með bandaríska poppsöngvaranum Michael Jackson, ásamt fleirum.

"Við erum byrjaðir að ræða þetta," sagði Pavarotti við fréttamenn í heimabæ sínum, Modena á Ítalíu, í gær. Þar mun hann halda konsert í kvöld með Plácido Domingo og José Carreras. Er þess vænst að Jackson verði meðal áheyrenda.

Pavarotti sagði ennfremur að honum þætti mun meira varið í að taka þátt í konsertum "tenóranna þriggja" en hefðbundnum óperusýningum, og myndi gjarnan vilja snúa sér alveg að því að syngja með Domingo og Carreras.