Safnfréttir, 105,7

Safnfréttir, 105,7 n " Skemmtanir GREIFARNIR leika föstudagskvöld í Miðgarði, Skagafirði og laugardagskvöld í Sjallanum, Akureyri. Hljómsveitin tekur sér frí á næstunni til að klára væntanlega geislaplötu sem kemur út fyrir jólin.

CAFÉ ROYALE HAFNARFIRÐI Á föstudagskvöld verður boðið upp á kynningu á Gíraf bjór ásamt kynningu á nýjum skotum. Grillveisla verður í boði veitingahússins og ætlar hljómsveitin Léttir sprettir að skemmta gestum. Á laugardagskvöld verður kaffihúsakvöld með ljúfum tónum.

ÓPERUKJALLARINN Á föstudagskvöld verður diskótek í umsjón Klöru og á laugardagskvöldinu leikur Björgvin Halldórs og Óperubandið.

GAUKUR Á STÖNG Hljómsveitin Skítamórall leikur fimmtudags- og föstudagskvöld og á laugardagskvöld leikur hljómsveitin Kirsuber. Spur tekur síðan við og leikur sunnudags- og mánudagskvöld og á þriðjudagskvöldinu leikur Soma. Hljómsveitin Sól Dögg leikur miðvikudagskvöld.

ÚLFALDINN, ÁRMÚLA 40 Á fimmtudagskvöld heldur Bubbi Morthens tónleika sem hefjast kl. 23.

RÚNAR ÞÓR leikur föstudagskvöld á Venus, Borgarnesi og laugardagskvöld á graðhestaballi í Sveitasetrinu, Blönduósi. Þess má geta að Rúnar Þór fer af landi brott 24. sept. og leikur á Las My Mosas sem er sunnan við Benidorm til 22. október nk.

ÚLTRA leikur laugardagskvöld í Duggunni, Þorlákshöfn.

CAFÉ MENNING DALVÍK Á fimmtudagskvöld verður haldið brandarakvöld í umsjá Júlíusar Júlíussonar frá kl. 22­24. Á föstudagskvöld leikur tvíeykið Bjarni Tryggva og Brooks A. Hood. Á laugardagskvöld verður haldið dónakvöld frá kl. 23­1 í umsjá Bjarna Tryggva. Á eftir leika Bjarni og Brooks til kl. 3.

ÁRG. '71 FELLASKÓLA sem brautskráðist vorið 1987 ætlar að hittast í tilefni þess að 10 ár eru frá námslokum. Fagnaðurinn verður haldinn í Þjóðleikhúskjallaranum laugardagskvöld og hefst kl. 21 stundvíslega. Boðið verður upp á léttar veitingar gegn vægu verði. Makar eru velkomnir og enginn aðgangseyrir er fyrir kl. 22.

CAFÉ AMSTERDAM Á fimmtudags-, föstudags- og laugardagskvöld leikur Hljómsveitin Ómar. Á fimmtudagskvöld verður haldið Hooch-kvöld. Þrír á 990 kr.

SOMA leikur fimmtudags- og föstudagskvöld í Gjánni, Selfossi frá kl. 23 bæði kvöldin. Aðgangseyrir er 500 kr.

KAFFI AKUREYRI Á fimmtudagskvöld syngur og leikur Bjarni Ara ásamt Grétari Örvarssyni. Á föstudagskvöld leika Gulli og Maggi og á laugardagskvöld leikur hljómsveitin Tvöföld áhrif fyrir dansi.

BLUES-EXPRESS leikur föstudagskvöld á Blúsbarnum og laugardagskvöld á Fógetanum.

HÓTEL ÍSLAND Á föstudagskvöld er lokað. Að lokinni sýningu verður stórdansleikur þar sem Páll Óskar Hjálmtýsson og Sniglabandið leika til kl. 3.

KAFFI REYKJAVÍK Á fimmtudags-, föstudags- og laugardagskvöld verður haldin Þróttara- og Köttarahelgi á Kaffi Reykjavík. Hljómsveitin Hálft í hvoru leikur öll kvöldin. Á sunnudags- og mánudagskvöld leika Birgir Birgisson og Ruth Reginalds og á þriðjudagskvöld taka við þau Sigrún Eva og Stefán Jökuls.

DANSHÚSIÐ GLÆSIBÆ Skagfirsk sveifla með Geirmundi Valtýssyni verður föstudags- og laugardagskvöld. Húsið opnað kl. 22 báða dagana.

Á sunnudagskvöld leikur Sigrún Eva og hljómsveit og á mánudagskvöld leika þau Sigrún Eva og Stefán Jökulsson.

GRAND HÓTEL v/Sigtún Á fimmtudags-, föstudags- og laugardagskvöld leikur Gunnar Páll fyrir matargesti frá kl. 19­23.

KRINGLUKRÁIN Hljómsveitin SÍN leikur fimmtudagskvöld. Á föstudags- og laugardagskvöld leikur hljómsveitin Léttir sprettir frá kl. 22 og í Leikstofunni verður trúbadorinn Ómar Diðriksson. Á sunnudagskvöld verður á vegum RúRek alþjóðlegt spunakvöld frá kl. 21­1. Tíu innlendir og erlendir hljóðfæraleikarar koma fram.

FJÖRUGARÐURINN er opinn um helgina. Veislur haldnar að hætti Víkinga. Víkingasveitin leikur. Veitingahúsið Fjaran er opið öll kvöld og í hádeginu fimmtudag til sunnudags. Jón Möller leikur ljúfa píanótónlist föstudags- og laugardagskvöld.

KÚREKINN, Hamraborg 1­3, verður með dansæfingu föstudagskvöld frá kl. 21. Þess má geta að Kúrekinn er með sýningarhóp.

NÆTURGALINN, Smiðjuvegi 14, Kóp. Á föstudags-, laugardags- og sunnudagskvöld leikur hljómsveitin Stuðbandalagið sem skipuð er þeim Ásgeiri Hólm, sax, Braga Björnssyni, bassaleikara, Guðjóni Guðmundssyni, gítarleikara og söngvara, Indriða Jósafatssyni, píanóleikara, Pjetri Pjeturssyni, trommuleikara og Önnu Vilhjálms söngkonu.

HÓTEL SAGA Fimmtudags- og sunnudagskvöld er Mímisbar opinn frá kl. 19­1. Föstudags- og laugardagskvöld opið frá kl. 19­3. Stefán P. og Pétur leika fyrir gesti. Í Súlnasal föstudagskvöld leikur Tríó Jacky Terrasson á djasshátíð RúRek frá kl. 21­23. Á laugardagskvöld er árshátíð Siglfirðingafélagsins. Miðaverð á dansleik er 1.000 kr.

SIR OLIVER Á fimmtudagskvöld leika þeir Haraldur Davíðsson og Ingvar Valgeirsson og á föstudagskvöld leika Vinir Dóra. Opið til kl. 3 föstudags- og laugardagskvöld. Aðra daga til kl. 1.

CAFÉ ROMANCE Danski söngvarinn og píanóleikarinn Joe Gorman er staddur á Íslandi og skemmtir út september miðvikudags-, fimmtudags-, föstudags- og laugardagskvöld frá kl. 22.

GULLÖLDIN Á föstudags- og laugardagskvöld leika stuðhattarnir þeir Svensen og Hallfunkel.

FEITI DVERGURINN Á föstudags- og laugardagskvöld skemmtir Halli Reynis.

BLÚSBARINN Á föstudagskvöld leikur Blues-Express og á laugardagskvöld þeir Haraldur Davíðsson og Ingvar Valgeirsson.

REGGAE ON ICE leikur á réttarballi í Tjarnarlundi, sem er rétt utan við Búðardal, laugardagskvöld.

LUNDINN VESTMANNAEYJUM Hljómsveitin Vestanhafs leikur föstudags- og laugardagskvöld.

SÓL DÖGG heldur vestur um helgina og leikur í Sjallanum, Ísafirði, föstudags- og laugardagskvöld.

KÁNTRÝBALL Á RÁÐHÚSKAFFI Jóhann Örn Ólafsson, danskennari, verður á Akueyri laugardagskvöld og verður með kennslu frá kl. 18. Tíminn stendur í 80 mín. Seinna um kvöldið hefst svo dansleikur undir stjórn Jóhanns. Dúett Bassa og Siggu leikur á Ráðhúskaffinu fimmtudags-, föstudags- og laugardagskvöld. Giraff kynning laugardagskvöld. Aldurstakmark 20 ár og frítt inn öll kvöldin.

ÍRLAND Á fimmtudags-, föstudags- og laugardagskvöld verður leikin írsk tónlist með Ken Henningan frá kl. 18 og frá kl. 23 leika Snæfríður og Stubbarnir.



SKÍTAMÓRALL leikur á Gauknum fimmtudags- og föstudagskvöld.

RÚNAR ÞÓR leikur föstudagskvöld í Borgarnesi og laugardagskvöld á Blönduósi.