EFSTU menn á mótinu, þeir Jóhann Hjartarson og Hannes Hlífar Stefánsson tefla innbyrðis í kvöld. Hannes hefur hvítt. Skákin hefst kl. 17 í Alþýðuhúsinu við Skipagötu. Það má búast við því að til tíðinda dragi á milli kl. 20 og 21. Það er ólíklegt að nokkur annar keppandi nái að ógna veldi þeirra Jóhanns og Hannesar. Jón Viktor Gunnarsson hefur staðið sig mjög vel.

Úrslitaskákin

í kvöld? SKÁK Alþýðuhúsið á Akureyri, 9.­20. sept. SKÁKÞING ÍSLANDS, LANDSLIÐSFLOKKUR EFSTU menn á mótinu, þeir Jóhann Hjartarson og Hannes Hlífar Stefánsson tefla innbyrðis í kvöld. Hannes hefur hvítt. Skákin hefst kl. 17 í Alþýðuhúsinu við Skipagötu. Það má búast við því að til tíðinda dragi á milli kl. 20 og 21. Það er ólíklegt að nokkur annar keppandi nái að ógna veldi þeirra Jóhanns og Hannesar. Jón Viktor Gunnarsson hefur staðið sig mjög vel. Hann er aðeins 17 ára gamall og þarf að fá tvo og hálfan vinning úr fjórum síðustu skákunum til að hreppa sinn fyrsta áfanga að alþjóðlegum meistaratitli. Hannes Hlífar tefldi af miklu öryggi gegn Rúnari Sigurpálssyni í sjöundu umferðinni á þriðjudagskvöld. Hannes tók litla áhættu í skákinni og vann um síðir í endatafli. Gylfi Þórhallsson, stigahæsti skákmaður Akureyringa, tefldi skemmtilega gegn Jóhanni Hjartarsyni og stóð vel að vígi um tíma. En þá fór hann of geyst í sakirnar og Jóhann vann með laglegri fléttu: Hvítt: Gylfi Þórhallsson Svart: Jóhann Hjartarson Sikileyjarvörn e4 ­ e5 2. Rc3 ­ Rc6 3. g3 ­ Bc5 4. Bg2 ­ d6 5. d3 ­ Rge7 6. Rge2 ­ Rd4 7. Be3 ­ Rec6 8. h3 ­ Rxe2 9. Rxe2 ­ Bxe3 10. fxe3 ­ Be6 11. Dd2 ­ Re7 12. 0-0-0 ­ c6 13. Kb1 ­ Dc7 14. d4 ­ 0-0 15. g4 ­ b5 16. Rg3 ­ a5 17. Rf5 ­ Rc8 18. h4 ­ Rb6 19. Df2 ­ a4 20. Bh3 ­ Rc4 21. g5 ­ Bxf5 22. exf5 ­ exd4 23. exd4 ­ Hfe8 24. f6 ­ He3 25. Bf5 ­ a3 26. Bd3 ­ Hae8 27. Hde1 ­ H3e6 28. Hxe6 ­ Hxe6 29. Bxc4? Miklu betra var 29. b3! og hvítur hefur góða stöðu. Það var einnig hægt að leika því einum leik áður. Næsti leikur fer svo alveg með hvítu stöðuna. 29. ­ bxc4 30. He1?? ­ Db6 31. b3 STÖÐUMYND 31. ­ Dxd4! 32. c3 og hvítur gafst upp. Díonýsus sigrar í sveitakeppni Hellis Díonýsus klúbburinn sigraði í sveitakeppni Hellis, sem haldin var föstudagskvöldið 12. september. Sveitin hlaut samtals 25 vinninga í 9 umferðum. Fyrir Díonýsus tefldu: 1. Magnús Ö. Úlfarsson 4 v. 2. Sigurbjörn Björnsson 5 v. 3. Páll A. Þórarinsson 8 v. 4. Kristján Eðvarðsson 7 Eins og sjá má er sveitin skipuð sterkum skákmönnum, sem eru nokkuð áþekkir að styrkleika. Það þarf því ekki að koma á óvart að neðri borðin voru drýgst í að tryggja sveitinni efsta sætið. Forskotið á næstu sveit var þó einungis einn vinningur, en annað sætið hreppti Félag íslenskra fræða. Spekingarnir sem skipa þá sveit eru þeir Bragi Halldórsson, Jóhannes Gísli Jónsson, Jón Friðjónsson og Bjarni Ólafsson. Hart var barist um þriðja sætið. Þar urðu tvær sveitir jafnar að vinningum: Skákklúbbur Iðnskólans og Áss og co. Árangur Iðnskólamanna þarf ekki að koma á óvart, enda sigraði sveitin í klúbbakeppni Hellis sl. vor. Áss og co. er hins vegar ný sveit skipuð fjórum systkinum með Helga Áss Grétarsson stórmeistara í fararbroddi. Þetta er líklega einhver sterkasta systkinasveit heimsins um þessar mundir. Eftir stigaútreikning kom hins vegar í ljós, að Skáksveit Iðnskólans hafði náð þriðja sætinu með minnsta mun og Áss og co. lentu í fjórða sæti. Röð sveitanna varð þessi: 1. Díonýsus 25 v. af 36 2. Félag íslenskra fræða 24 v. 3. Skákklúbbur Iðnskólans 23 v. 4. Áss og Co. 23 v. 5. Netverjar 22 v. 6. Skákklúbbur Framtíðarinnar 20 v. 7. Stórsveitin 20 v. 8. Smámeistarar 20 v. 9. Verð að fara 20 v. 10. BDTR 19 v. 11. The Grand Rock Club 17 v. 12. Óli H. 16 v. 13. Hani úti á túni 15 v. 14. Hrókar alls fagnaðar 11 v. 15. Arnarsveitin 10 v. Alls tóku á sjöunda tug skákmanna þátt í keppninni. Tefldar voru 9 umferðir með 7 mínútna umhugsunartíma. Skákstjóri var Vigfús Ó. Vigfússon. SÍF efst á Firmamóti SH Firmamót Skákfélags Hafnarfjarðar fór nýlega fram í Miðbæ, Hafnarfirði. Úrslit urðu sem hér segir: 1. SÍF (Helgi Áss Grétarsson) 7 v. 2. Memphis (Bragi Þorfinnsson) 5 v. 3. VISA Ísland (Davíð Kjartanss.) 4 v. 4.­7. Hagtak (Páll Agnar Þórarinsson), Íslandsbanki (Bergsteinn Einarsson), Búnaðarbankinn (Magnús Örn Úlfarsson) og Augnsýn (Björn R. Lárusson) 4 v. 8.­10. Eimskip (Hrannar Baldursson), Filmur og framköllun (Kristján Eðvarðsson), Bílþrif (Heimir Ásgeirsson) 3 v. Önnur fyrirtæki, sem tóku þátt í keppninni voru: Hvalur hf., Hafnarfjarðarbær, Sparisjóður Hafnarfjarðar, Verslunarmannafélag Hafnarfjarðar, Rafveita Hafnarfjarðar, Árni Grétar Finnsson hrl., Landsbanki Íslands, Pústþjónusta BJB, Apótek Norðurbæjar, Leikbær/Ritbær sf., AB-bílar ehf., Róbert S. Magnússon hárskeri, Ragnar Björnsson hf, Bifreiðaverkstæðið Loki hf., Fjölsport sf., Íslensk matvæli, Gullsmiðjan, Bedco og Mathiesen hf., Blikksmiðjan Allt blikkverk ehf., Sælgætisgerðin Góa Linda, Bílakjallarinn, Aðalskoðun hf., Teiknistofa Leifs Blumenstein, Sendibílastöð Hafnarfjarðar, Endurskoðunarstofan sf., Drift sf., Saltkaup og Delta hf. Skákfélag Hafnarfjarðar þakkar þessum aðilum fyrir stuðninginn. Atskákmót Reykjavíkur 1997 Atskákmót Reykjavíkur hefst laugardaginn 20. september og verður framhaldið sunnudaginn 21. september. Taflið hefst kl. 14 báða dagana og tefldar verða níu umferðir eftir Monrad kerfi. Umhugsunartími er 30 mínútur á skák. Sigurvegarinn hlýtur nafnbótina "Atskákmeistari Reykjavíkur 1997" en auk þess verða veitt peningaverðlaun: 12 þús., 7 þús. og 5 þús. Þátttökugjald er kr. 1.200 fyrir 16 ára og eldri, en kr. 600 fyrir 15 ára og yngri. Skákmót þetta er haldið til skiptis af Taflfélagi Reykjavíkur og Taflfélaginu Helli. Í þetta sinn heldur TR mótið og er teflt í félagsheimili TR í Faxafeni 12. Skemmtikvöld frestast Skemmtiklúbbur skákáhugamanna hafði fyrirhugað að halda skemmtikvöld föstudaginn 19. september. Af ófyrirséðum ástæðum hefur stjórn klúbbsins ákveðið að fresta skemmtikvöldinu. Ný tímasetning verður tilkynnt þegar hún liggur fyrir. Margeir Pétursson Daði Örn Jónsson Jóhann Hjartarson Hannes Hlífar Stefánsson.