VERÐBRÉFAÞING Íslands og bankastjórn Seðlabanka Íslands hafa sett á fót sérstakan vinnuhóp sem móta á starfsreglur er lúta að upplýsingagjöf Seðlabanka Íslands, fjármálaráðuneytis og Lánasýslu ríkisins, til aðila á verðbréfamarkaði.
ÐVinnuhópur umupplýsingaskyldu
VERÐBRÉFAÞING Íslands og bankastjórn Seðlabanka Íslands hafa sett á fót sérstakan vinnuhóp sem móta á starfsreglur er lúta að upplýsingagjöf Seðlabanka Íslands, fjármálaráðuneytis og Lánasýslu ríkisins, til aðila á verðbréfamarkaði.
Þetta varð niðurstaðan á fundi sem Verðbréfaþing átti með bankastjórn Seðlabanka Íslands í kjölfar þess að nokkrum aðilum á verðbréfamarkaði bárust ekki upplýsingar um 5 milljarða króna útboð Seðlabankans á endurhverfum verðbréfakaupum fyrr en 8 mínútum eftir að viðskipti hófust á Verðbréfaþingi sl. mánudag og u.þ.b. 20-30 mínútum eftir að viðskiptabönkum og sparisjóðum hafði verið send tilkynning þessa efnis.
Stefán Halldórsson, framkvæmdastjóri Verðbréfaþings Íslands, segir að í kjölfar þessa hafi þingið óskað eftir umræddum fundi með bankastjórninni og hafi þetta orðið niðurstaða hans. Sérstaklega verði horft til þarfa markaðarins um upplýsingar og að jafnræðis verði gætt.
Til baka
Leita í greinasafni
Prenta grein
