80. ÞING Stórstúku Íslands var háð í Reykjavík dagana 4.6. júní sl. og hófst með Unglingaregluþingi fimmtudaginn 4. júní. Þann dag voru málefni barna og unglingastarfs til umræðu og lauk þeim fundi með ferð eldri og yngri þátttakenda í Fjölskyldu- og Húsdýragarðinn í Laugardal. Stórstúkuþing hófst með guðsþjónustu í Hallgrímskirkju þar sem sr.
80. þing Stórstúku Íslands80. ÞING Stórstúku Íslands var háð í Reykjavík dagana 4.6. júní sl. og hófst með Unglingaregluþingi fimmtudaginn 4. júní. Þann dag voru málefni barna og unglingastarfs til umræðu og lauk þeim fundi með ferð eldri og yngri þátttakenda í Fjölskyldu- og Húsdýragarðinn í Laugardal. Stórstúkuþing hófst með guðsþjónustu í Hallgrímskirkju þar sem sr. Eðvarð Ingólfsson, prestur á Akranesi, predikaði en stórtemplarinn sr. Björn Jónsson þjónaði fyrir altari.
Þinghald var með hefðbundnum hætti þar sem afgreiddir voru reikningar, starfsáætlanir og ályktanir þingsins. Sérstök umfjöllun var um málefni barna- og unglingablaðanna Æskunnar og Smells ásamt bókaútgáfu Æskunnar. Samþykkt var tillaga um sérstaka stjórn fyrirtækisins og víðtæka áætlun um fjölgun áskrifenda blaðanna, segir í fréttatilkynningu.
Í tilefni þingsins voru við hátíðarkvöldverð eftirtaldir utanreglumenn heiðraðir fyrir stuðning sinn við Góðtemplararegluna og bindindis: Ólafur Ólafsson, landlæknir, Pétur Pétursson, þulur, Vala Flosadóttir, íþróttamaður, sr. Hjálmar Jónsson, alþingismaður, Guðrún Guðlaugsdóttir, blaðamaður, Snjólaug Stefánsdóttir, framkvæmdastjóri og Kristín Sigfúsdóttir, hússtjórnarkennari á Akureyri.
Í lok þingsins þáðu þingfulltrúar boð borgarstjórnar Reykjavíkur í Höfða. Í framkvæmdanefnd Stórstúku Íslands fyrir næsta tveggja ára starfstímabil voru kjörin: Stórtemplar: Sr. Björn Jónsson, Akranesi, stórkanslari: Helga Seljan, framkvæmdastjóri Reykjavík, stórvaratemplar: Geirþrúður Kristjánsdóttir, skrifstofustjóri, Reykjavík, stórritari: Gunnar Þorláksson, skrifstofustjóri, stórfræðslustjóri: Hörður Pálsson, bakarameistari Akranesi, stórgjaldkeri: Sigurður Jörgensson, viðskiptafræðingur, Reykjavík, stórkapelán: Katrín Eyjólfsdóttir, skrifstofumaður Reykjavík, stórgæslumaður unglingastarfs: Lilja Harðardóttir, skrifstofumaður Reykjavík, stórgæslumaður ungmennastarfs: Guðlaugur Fr. Sigmundsson, framkvæmdastjóri Reykjavík, stórgæslumaður löggjafarstarfs: Árni Valur Viggósson, símaverkstjóri Akureyri, stórfregnritari: Valdór Bóasson, kennari Reykjavík og fyrrverandi stórtemplari: Hilmar Jónsson, rithöfundur, Keflavík.