Fyrsti fundur bæjar-
stjórnar Árborgar
Selfossi - Bæjarstjórn Árborgar,
nýs sameinaðs sveitarfélags á Suðurlandi, hélt sinn fyrsta fund á Hótel Selfossi síðastliðinn sunnudag. Fundinn sátu fulltrúar nýs meirihluta sjálfstæðismanna og framsóknarmanna, fulltrúar Árborgarlistans og fulltrúi Diskó-listans ásamt fráfarandi sveitarstjórnarmönnum í sveitarfélögunum fjórum fyrrverandi og Karli Björnssyni sem hefur verið endurráðinn bæjarstjóri.
Á fundinum voru fyrrverandi oddvitum og sveitarstjórnarmönnum sveitarfélaganna fjögurra, Selfoss, Stokkseyrar, Eyrarbakka og Sandvíkurhrepps, þökkuð vel unnin störf og nýrri bæjarstjórn óskað velfarnaðar á komandi kjörtímabili sem verður það fyrsta í sögu nýs sveitarfélags.
Morgunblaðið/Sig. Fannar NÝIR bæjarstjórnarfulltrúar Árborgar ásamt fráfarandi sveitar- og bæjarstjórnarmönnum
KARL Björnsson bæjarstjóri Árborgar þakkar Páli Lýðssyni fyrrverandi oddvita Sandvíkurhrepps vel unnin störf.