Hannes Hlífar kominn
í 2. umferð
SKÁK
Svæðamót
Norðurlanda
Haldið í Munkebo á Fjóni í Danmörku.
SVÆÐAMÓT Norðurlanda
stendur nú yfir í Munkebo á Fjóni í Danmörku, en þar komast þrír efstu menn áfram í heimsmeistarakeppni alþjóðaskáksambandsins. Keppnin er með útsláttarfyrirkomulagi og tefld tveggja skáka einvígi í hverri umferð. Þátttakendur eru 24, þar af fimm íslenskir stórmeistarar, Margeir Pétursson, Hannes Hlífar Stefánsson, Helgi Ólafsson, Þröstur Þórhallsson og Helgi Áss Grétarsson.
Í fyrstu umferð hittist svo óheppilega á, að Íslendingar lentu saman í tveimur einvígjanna, Margeir-Þröstur og Hannes-Helgi Áss. Margeir og Þröstur unnu hvor sína skákina, en Hannes Hlífar sló Helga Áss út úr keppninni, 1 1/21/2. Helgi Ólafsson og alþjóðlegi meistarinn, John Rödgaard unnu hvor sína skákina, þannig að þeir þurftu að tefla til þrautar í gær eins og Margeir og Þröstur.
Við skulum nú sjá fyrri skák Margeirs og Þrastar.
Hvítt: Margeir Pétursson
Svart: Þröstur Þórhallsson
Nimzoindversk vörn
1. c4 c6 2. e4 d5 3. exd5 cxd5 4. d4 Rf6 5. Rc3 e6 6. Rf3 Bb4 7. Bd3 0-0 8. 0-0 dxc4 9. Bxc4 b6 10. Bg5 Bb7 11. Hc1 Rbd7 12. He1 He8!?
Óvenjulegur leikur, en svartur leikur oft 12.-- Hc8 í þessari stöðu, t.d. 13. Db3 Ba5 14. Re5 Dc7 15. Bxe6 fxe6 16. Dxe6+ Kh8 17. Rf7+ Hxf7 18.Dxf7 með flókinni stöðu.
13.De2 --
Eftir 13.Bb5 a6 14.Bxf6 gxf6 15.Ba4 b5 16.Bb3 Rf8 17.He3 Hc8 18.d5 Bxc3 19.Hcxc3 Bxd5 verða of mikil uppskipti til að hvítur eigi vinningsmöguleika.
13.-- a6 14.Re5 b5 15.Bd3 Db6 16.a3 Bxc3 17.Hxc3 h6
Svartur má ekki taka peðið á d4: 17.-- Dxd4 18.Rxd7 Rxd7 (18.-- Dxd7 19.Bxf6 gxf6 20.Bxh7+ Kxh7 21.Dg4 ásamt 22.Hh3+ mát) 19.Bxh7+ Kxh7 20.Dh5+ Kg8 21.Hh3 g6 22.Dh7+ Kf8 23.Hd3! og hvítur vinnur.
18.Rxd7 Rxd7 19.Be3 Dd6 20.Dg4 Rf6 21.Dh4 Rd5 22.Hc5? --
Margeir varð að leika 22.Hcc1, því að hann lendir í vandræðum með hrókana á c5 og e1, eftir næsta leik Þrastar.
22.-- e5! 23.Bd2 --
Eftir 23.De4 g6 hótar svartur ýmsu, m.a. 24.-- Rf4 og 24.-- exd4.
23.-- Rf4! 24.Hcxe5 Hxe5 25.dxe5 Dd5!
Hvítum yfirsást þessi sterki leikur, sem hótar máti á g2.
26. 26.Dg3 Rxd3 27.Bxh6 Dxg2+ 28.Dxg2 Bxg2 29.He3 gxh6 30.Hxd3 Be4 31.Hd4 Bf5 32.Hd6 Kg7 33.f4 Hc8 34.Hxa6 Hc1+ 35.Kf2 Hc2+ 36.Kg3 Hxb2 og hvítur gafst upp.
Bragi Kristjánsson