Verkamenn hjá Háfelli

Staða í kontrabassadeild

SINFÓNÍUHLJÓMSVEIT Íslands auglýsir stöðu í kontrabassadeild frá og með 1. mars 1999. Hæfnispróf verður haldið í janúar og umsóknarfrestur er til 15. desember. Nánari upplýsingar er að fá hjá starfsmannastjóra hljómsveitarinnar í Háskólabíói.

Starfsfólk í gestamóttöku

FOSSHÓTELIÐ Lind vill ráða starfsfólk í gestamóttöku. Vinnutíminn er virka daga frá kl. 24.00 til 8.00 og um helgar frá kl. 20.00 til 8.00. Æskilegur aldur er sagður vera 20 til 45 ár. Tekið er sérstaklega fram að Fosshótel ehf. starfi samkvæmt skattalögum. Nánari upplýsingar veitir gestamóttökustjóri.

Kennari í Hvolsskóla

LAUS er kennarastaða við Hvolsskóla á Hvolsvelli frá og með 1. desember. Upplýsingar veita skólastjóri eða aðstoðarskólastjóri.

Hlutur í tölvufyrirtæki til sölu

BOÐIN eru til sölu 45% hlutafjár í tölvufyrirtækinu "Þetta er-this is ehf." sem rekur lénin this.is, here.is., where.is. og what.is.

Tilboð í verkið Mælaskipti

INNKAUPASTOFNUN Reykjavíkurborgar auglýsir fyrir hönd Hitaveitunnar eftir tilboðum í verkið Mælaskipti en í því felst að skipt verði um mæla á svæði veitunnar í borginni. Alls eru mælarnir sagðir vera um 12.600 og skal verkinu lokið fyrir 15. desember árið 2000. Einnig er óskað eftir tilboðum í þvottaþjónustu fyrir stofnanir og fyrirtæki borgarinnar.

Listmunauppboð hjá Fold

GALLERÍ Fold hefur kaupendur að verkum gömlu meistaranna. Fyrirtækið er með kaupanda að góðu verki eftir Jón Stefánsson, sjávarmynd eftir Gunnlaug Scheving og hafnar-módelmyndum eftir Gunnlaug Blöndal.

Félagsfundur hjá Þrótti

VÖRUBÍLSTJÓRAFÉLAGIÐ Þróttur auglýsir almennan félagsfund þriðjudaginn 10. nóvember kl. 20 í húsi félagsins.

Samkomur hjá Frelsinu

FRELSIÐ, Kristileg miðstöð að Hverfisgötu 105, minnir á fjölskyldusamkomu í dag kl. 17. Mike og Sheila Fitzgerald frá Lindinni predika. Einnig er biblíuskóli kl. 20 á þriðjudagskvöld.