MÁLFRÍÐUR GUÐSTEINSDÓTTIR

MÁLFRÍÐUR GUÐSTEINSDÓTTIR

Málfríður Guðsteinsdóttir var fædd í Reykjavík 12. júlí 1931. Hún andaðist á Sjúkrahúsi Reykjavíkur 30. október síðastliðinn. Foreldrar hennar voru Guðsteinn Eyjólfsson, kaupmaður í Reykjavík, og kona hans Guðrún Jónsdóttir. Árið 1951 giftist Málfríður eftirlifandi eiginmanni sínum, Ólafi Diðrikssyni múrarameistara, f. 23. apríl 1929, og eignuðust þau fimm börn. Þau eru: Diðrik, f. 16. desember 1951, kvæntur Björk Kristjánsdóttur, f. 9. nóvember 1948; Helga, f. 13. janúar 1953, gift Jóni Friðriki Jónssyni, f. 12. apríl 1953; Rúnar Steinn, f. 27. apríl 1956, kvæntur Steinunni Ástu Helgadóttur, f. 12. desember 1957; Sigurður, f. 26. ágúst 1957, kvæntur Ragnheiði K. Nielsen, f. 21. júlí 1959; og Ólafur, f. 16. febrúar 1963, kvæntur Kristínu Þorleifsdóttur, f. 9. október 1964. Útför Málfríðar fór fram í kyrrþey frá Bústaðakirkju 5. nóvember.