LÍKURNAR á að Bill Clinton Bandaríkjaforseta tækist að koma í veg fyrir málshöfðun til embættismissis minnkuðu enn í gær þegar sjö repúblikanar í fulltrúadeildinni lýstu því yfir að þeir myndu greiða atkvæði með ákæru á hendur forsetanum þegar hún verður borin undir atkvæði á morgun.
Mál Clintons Líkurnar á málshöfðun aukast

Washington. Reuters.

LÍKURNAR á að Bill Clinton Bandaríkjaforseta tækist að koma í veg fyrir málshöfðun til embættismissis minnkuðu enn í gær þegar sjö repúblikanar í fulltrúadeildinni lýstu því yfir að þeir myndu greiða atkvæði með ákæru á hendur forsetanum þegar hún verður borin undir atkvæði á morgun.

Einn þingmannanna sjö, Jack Quinn, var á meðal fyrstu repúblikananna sem lýstu yfir andstöðu við málshöfðun á hendur forsetanum. Sinnaskipti hans eru mikið áfall fyrir Clinton.

Staða forsetans versnaði enn í gærkvöldi þegar Nancy Johnson, áhrifamikil þingkona úr röðum hófsamra repúblikana, lýsti því yfir að hún væri hlynnt málshöfðun. Johnson hefur farið fyrir 20 repúblikönum, sem Clinton hefur lagt mikið kapp á að vinna á sitt band. "Forsetinn hefur ekki rétt til að fremja meinsæri þegar honum hentar eða þegar hann telur að ásakanirnar á hendur honum séu léttvægar," sagði hún.

Clinton þarfnast stuðnings að minnsta kosti 15 repúblikana í atkvæðagreiðslunni til að komast hjá málshöfðun.



Syrtir í álinn/24