SIGHVATUR BJARNASON

SIGHVATUR BJARNASON

Sighvatur Bjarnason fæddist í Vestmannaeyjum 15. júní 1919. Hann lést á Sjúkrahúsi Reykjavíkur 6. desember síðastliðinn. Foreldrar hans voru Bjarni Sighvatsson, f. 22.7. 1891, d. 20.8. 1953, bankastjóri í Vestmannaeyjum, og Kristín Gísladóttir, f. 26.10. 1897, d. 17.12. 1957, húsmóðir. Systkini Sighvats voru: Gísli Bjarnason, f. 9.4. 1921, d. 1.1. 1943; Lárus Bjarnason, f. 12.10. 1922, d. 12.8. 1974; Ásgeir Kristinn Bjarnason, f. 7.11. 1925, d. 4.1. 1934; Jóhanna Theódóra Bjarnadóttir, f. 3.1. 1931, d. 30.11. 1990. Hinn 4. júní kvæntist Sighvatur eftirlifandi eiginkonu sinni, Elínu Jóhönnu Ágústsdóttur, f. 12.6. 1925. Foreldrar Elínar voru Ágúst Þórðarson, yfirfiskmatsmaður, f. 22.8. 1893, d. 26.8. 1977, og Viktoría Guðmundsdóttir, húsfreyja, f. 22.2. 1897, d. 12.1. 1995. Börn Sighvats og Elínar eru: 1) Bjarni, maki Auróra Guðrún Friðriksdóttir og eiga þau tvo syni. 2) Gísli, maki Ólöf Helga Þór og átti hún einn son. Gísli lést 1987. 3) Viktor Ágúst, maki Jóna Margrét Jónsdóttir og eiga þau tvær dætur. Einnig átti Viktor dóttur með fyrri konu sinni, Margréti Ísdal. 4) Ásgeir, maki Hilda Torres Ortiz og eiga þau tvo syni. 5) Elín. Einnig átti Sighvatur dóttur af fyrra hjónabandi með Þórdísi Jóhannsdóttur, Kristínu, búsetta í Bandaríkjunum, maki: Charles T. Lynch og eiga þau þrá syni. Sighvatur var fæddur í Vestmannaeyjum en fluttist tveggja vikna gamall til Reykjavíkur og ólst þar upp. Hann flutti aftur til Eyja um þrítugt og bjó þar til 1973 er þau hjón fluttust til Reykjavíkur v/Heimaeyjargossins. Sighvatur starfaði í Útvegsbanka Íslands í 40 ár (1948­ 1988). Hann var virkur félagi í Oddfellow-reglunni um áratuga skeið. Útför Sighvats fer fram frá Fossvogskirkju í dag og hefst athöfnin klukkan 15.