Enn óvíst
með Dag
ÞORBJÖRN Jensson, landsliðsþjálfari í handknattleik, sagði
að enn væri óvissa um hvort Dagur Sigurðsson geti leikið með gegn Makedóníu. "Það eru helmingslíkur á að Dagur geti leikið. Það verður ekki ljóst fyrr en rétt fyrir leikinn á sunnudag hvort hann er tilbúinn í slaginn," sagði Þorbjörn.
Makedónar
fá öflugan
stuðning
ALLS koma yfir hundrað stuðningsmenn með landsliði Makedóníu til Íslands. Mekedónar koma til Reykjavíkur með leiguflugvél að morgni laugardags frá Skopje. Stuðningsmennirnir eiga eftir að setja sterkan svip á leikinn sem fer fram í Kaplakrika á sunnudagskvöld.
"Krikinn"
happavöllur
Á undanförnum árum hefur landsliðið leikið þýðingarmikla leiki í undankeppni HM og EM í Kaplakrika í Hafnarfirði. Þar hefur liðið alltaf fagnað sigri. Þess vegna var "Krikinn" valinn fyrir leikinn gegn Makedóníu.