Djorkaeff
heiðursborgari
Armeníu
YOURI Djorkaeff og Alain Boghossian, landsliðsmenn
Frakka í knattspyrnu, voru útnefndir heiðursborgarar Armeníu er þeir voru staddir í landinu vegna landsleiks Armena og Frakka í fjórða riðli undankeppni Evrópumóts landsliða, sama riðli og Íslendingar leika í. Leikmennirnir tveir tóku við armenskum vegabréfum úr hendi forseta landsins, Robert Kocharyan, við hátíðlega athöfn. "Þetta er í fyrsta sinn sem ég kem til Armeníu og ég er mjög feginn að vera hér," sagði Djorkaeff, en afi hans fæddist í landinu. "Þetta er mjög sérstakur dagur í lífi mínu og fjölskyldu minnar," bætti hann við. Djorkaeff skoraði fyrsta mark heimsmeistara Frakka í leiknum, sem gestirnir unnu, 3:2.