BRESKI sjónvarpskynnirinn Julia Carling ætlar að láta breyta eftirnafni sínu í Heineken fyrir Heimsmeistarakeppnina í ruðningi sem fram fer í Bretlandi í næsta mánuði. Heineken, einn helsti stuðningsaðili keppninnar, ætlar að gefa fjármuni til rannsókna á brjóstakrabbameini og verður það hluti af samningnum sem beint er gegn helsta bjórframleiðanda á Bretlandi, Carling.

Breytir nafn inu í Heineken

BRESKI sjónvarpskynnirinn Julia Carling ætlar að láta breyta eftirnafni sínu í Heineken fyrir Heimsmeistarakeppnina í ruðningi sem fram fer í Bretlandi í næsta mánuði. Heineken, einn helsti stuðningsaðili keppninnar, ætlar að gefa fjármuni til rannsókna á brjóstakrabbameini og verður það hluti af samningnum sem beint er gegn helsta bjórframleiðanda á Bretlandi, Carling. Julia sagði við fréttamenn af þessu tilefni: "Mér fannst þetta frábær hugmynd. Ég á eftir að þurfa að venjast þessu og sumir eiga eflaust eftir að verða undrandi." Julia er fyrrverandi eiginkona fyrrverandi fyrirliða enska ruðningsliðsins, Will Carling, en þau skildu vegna vináttu hans við Díönu prinsessu. Hún hélt eftirnafninu og sagði talsmaður Heineken: "Ég veit ekki hvort í þessu felst vottur af djöfulskap þegar skilnaðurinn er hafður í huga. Það væri áhugavert að vita hvað Will hefur um málið að segja."