Sólveig Snæbjörnsdóttir
Elsku amma "frammi".
Þú varst alltaf með okkur á stórum stundum í lífi okkar og það var
alltaf gott að koma til þín á Álfaskeiðið. Þú tókst alltaf svo vel á móti okkur. Við renndum augunum upp í hillu í eldhúsinu og þá vissir þú hvað við vildum. Sóttir nammidósina og við máttum alltaf fá nóg. Eftir það lá leiðin inn á bað að gramsa í snyrtidóti eða í dótatöskuna undir rúmi. Það var líka gott að fá þig í heimsókn. Leika með slæðuna eða klútinn og æfa sig með göngustafinn þinn og skjótast í skóna þína.
Okkur þykir svo vænt um þig og vitum að Guð og allir englarnir passa þig.
Láttu guðs hönd leiða þig hér,
lífsreglu haltu beztu:
blessað hans orð, sem boðast þér,
í brjósti og hjarta festu.
Ásdís Arna og Unnar Lúðvík.