Eitt vil ég segja sem aldrei má gleyma okkar er landið sem forsjónin gaf hér vil ég búa og hér á ég heima hjá hrauni og jöklum við ólgandi haf. Íslenska vorið með albjartar nætur iðandi líf er þá hvarvetna um frón íslenskir synir og íslenskar dætur aldrei fá gleymt þeirri dýrlegu sjón.
GUÐMUNDURBERGSSON
OKKAR ER LANDIÐ
Eitt vil ég segja sem aldrei má gleyma
okkar er landið sem forsjónin gaf
hér vil ég búa og hér á ég heima
hjá hrauni og jöklum við ólgandi haf.
Íslenska vorið með albjartar nætur
iðandi líf er þá hvarvetna um frón
íslenskir synir og íslenskar dætur
aldrei fá gleymt þeirri dýrlegu sjón.
Oft hefur steðjað að okkur her vandi
enda var glíman hér meinleg og köld
höfnum þó einhuga her hér í landi
hefjum nú sókn inní komandi öld
Á Íslandi áður var erfitt að lifa
oft hefur skort hérna flest sem að þarf
þeir entust þó til að yrkja og skrifa
eftir sig skildu hinn dýrasta arf.
- - Skemmum ekki ásýnd alla
öræfin þó þyki köld
geymum fegurð fossa og fjalla
fram á hina næstu öld.
- - - Höfundur er gamall Grundfirðingur.