ÞORVALDUR Þorsteinsson heldur fyrirlestur í LHÍ í Laugarnesi, stofu 024, kl. 12.30 á mánudag. Þar segir Þorvaldur frá nýjum verkum og er fyrirlesturinn í tengslum við yfirlitssýningu á verkum hans sem nú stendur yfir í Gerðubergi. Erla Þórarinsdóttir flytur fyrirlestur um eigin verk og myndlistarferil í LHÍ í Skipholti, stofu 113, kl. 12.30 miðvikudaginn 6. október.
Fyrirlestrar og námskeið í LHÍ

ÞORVALDUR Þorsteinsson heldur fyrirlestur í LHÍ í Laugarnesi, stofu 024, kl. 12.30 á mánudag. Þar segir Þorvaldur frá nýjum verkum og er fyrirlesturinn í tengslum við yfirlitssýningu á verkum hans sem nú stendur yfir í Gerðubergi.

Erla Þórarinsdóttir flytur fyrirlestur um eigin verk og myndlistarferil í LHÍ í Skipholti, stofu 113, kl. 12.30 miðvikudaginn 6. október.

Námskeið

Ragna Ingimundardóttir kennir grundvallaratriði gifsmótagerðar. Nemendur móta lágmyndir eða hluti úr leir og taka af þeim gifsmót. Kennsla fer fram í LHÍ í Laugarnesi og hefst mánudaginn 4. október.

Tréhögg/skurður er yfirskrift námskeiðs Hannesar Lárussonar myndlistarmanns. Kennd er mótun í tré með áherslu á notkun handverkfæra og léttra rafmagnsverkfæra. Jafnframt verður reynt að setja nálgun og viðfangsefni í sögulegt samhengi. Æskilegt að nemendur hafi nokkurn bakgrunn í að vinna í tré.

Kennt verður í MHÍ í Laugarnesi, og hefst námskeiðið þriðjudaginn 5. október.