Leiðrétt

Leiðrétt

Vitlaust leikaranafn

UMFJÖLLUN í blaðinu um leikritið Glanni glæpur í Latabæ var Valdís Gunnarsdóttir sögð Vigdís heita Vigdís. Beðist er velvirðingar á mistökunum.

Engin list við Geysi um helgina

RANGLEGA var fullyrt á baksíðu Morgunblaðsins í gær að bandaríski myndlistarmaðurinn Robert Dell myndi sýna listaverk sitt við Geysi í Haukadal um helgina. Listaverkið var tekið niður strax á fimmtudag og er því ekki lengur sýnilegt almenningi.

Nöfin með stórum staf

Í minningargrein Jóhönnu D. Skaftadóttur um Ástríði Sigurrós Guðmundsdóttur á blaðsíðu 47 í Morgunblaðinu fimmtudaginn 30. september var óvart lítill stafur í sérnafninu Nöfin. Málsgreinin hljóðar svo: "Nú er stóra húsið við Gránugötuna horfið sem og Nöfin sem undirrituð ólst upp í." Hlutaðeigendur eru beðnir afsökunar á þessum mistökum.

Villur í ljóði

Í minningargrein í Morgunblaðinu 25. september um Elísabetu Öldu Kristjánsdóttur, skrifuð af Kvennakór Bolungarvíkur, eru villur í fyrsta og síðasta erindi ljóðs eftir Bryndísi Jónsdóttur. Um leið og við birtum þessi erindi aftur biðjum við hlutaðeigendur velvirðingar á þessum mistökum:

Við andlátsfregn þína,

allt stöðvaðist í tímans ranni.

Og sorgin mig grípur,

en segja ég vil með sanni,

að ósk mín um bata þinn,

tjáð var í bænunum mínum,

en Guð vildi fá þig,

og hafa með englunum sínum.



Þótt farin þú sért,

og horfin ert burt þessum heimi.

Ég minningu þína,

þá ávallt í hjarta mér geymi.

Ástvini þína, ég bið síðan

Guð minn að styðja,

og þerra burt tárin,

ég ætíð skal fyrir þeim biðja.

Rangt föðurnafn

Rangt var farið með föðurnafn í grein Gunnars G. Bjartmarssonar í Bréfum til blaðsins í gær. Þar stóð Hrafn Höskuldsson en átti að standa Hrafn Jökulsson. Morgunblaðið biðst velvirðingar á mistökunum.