Í síðustu umferð Flugleiðamótsins fengu margir keppendur það verkefni að spila sex hjörtu í suður á þessar hendur:
Norður | |
♠ ÁG6 | |
♥ ÁKD105 | |
♦ D | |
♣ G964 |
Suður | |
♠ KD7 | |
♥ 843 | |
♦ KG973 | |
♣ ÁD |
Eftir opnun suðurs á einu grandi yfirfærir norður í hjarta og því kemur það í hlut suðurs að stýra sókninni. Vestur spilar út smáum spaða og fyrsta spurningin er: Með hvaða spili á að taka slaginn?
Það er nákvæmast að taka á ásinn og eiga þannig tvær innkomur heima á KD í spaða síðar. Trompið verður að skila sér, en sagnhafi vildi gjarnan losna við að svína í laufi, og það getur hann ef hægt er að búa til aukaslag á tígul. Sem sagt: Upp með spaðaás og ÁK í hjarta teknir. Þá hendir austur spaða. Hvað nú?
Jú, það blasir við að spila tíguldrottningu. Austur tekur með ás og skiptir yfir í smátt lauf. Þetta er óþægileg vörn, því nú verður að velja á milli laufsvíningar og þess að fría tígulinn. En auðvitað er rökrétt að stinga upp laufás og treysta frekar á tígulinn, því líkur á 4-3 legu eru nokkru meiri en líkur á svíningu.
Norður | |
♠ ÁG6 | |
♥ ÁKD105 | |
♦ D | |
♣ G964 |
Vestur | Austur |
♠ 10842 | ♠ 953 |
♥ G962 | ♥ 7 |
♦ 54 | ♦ Á10862 |
♣ 1087 | ♣ K532 |
Suður | |
♠ KD7 | |
♥ 843 | |
♦ KG973 | |
♣ ÁD |
En réttlætið sigrar ekki alltaf við spilaborðið og margir fóru niður eftir þessa þróun mála.
"Fórstu niður á slemmunni? spurðu sveitarfélagarnir undrandi í uppgjörinu, en þar hafði vestur spilað út laufi eða austur "gleymt" að skipta yfir í lauf þegar hann var inni á tígulás.