Sólbjart hafið sigla brimbrettamenn
sandurinn mjúkur og hvítur.
Ég stend þar um dálitla stund
straumurinn þungi engu líkur.
Um myrka sögu er margt á reiki
mörlandinn lætur sig dreyma.
Hugurinn dvelur í vöku og svefni
á eylendunni heima.
Húmið svala heitri dulúð
hvíslar í eyra nætur,
hikandi vefur veröld örmum.
Við fætur mína hafið grætur.
Þegar kallið loksins kemur
í kyrrð og friði svíf ég
yfir úthafsins úlfgráu strauma
í bæinn minn bjarta í norðursins hjarta.
Varðar þá nokkurn um drauma?
Höfundurinn er rithöfundur og býr í Ástralíu.