ÁTTA námsmenn fengu afhenta styrki úr Námunni, námsmannaþjónustu Landsbanka Íslands, fimmtudaginn 4. maí sl. Upphæð hvers styrks er 175.000 kr.
Allir námsmenn sem eru félagar í Námunni eiga rétt á að sækja um þessa styrki. Um 400 umsóknir bárust en félagar í Námunni eru um tíu þúsund.
Þeir sem hlutu Námu-styrkina að þessu sinni eru: Drífa Jónsdóttir, nemandi við þroskaþjálfaraskor Kennaraháskóla Íslands, Orri Gunnarsson, nemandi við umhverfis- og byggingaverkfræðiskor verkfræðideildar Háskóla Íslands, Kári Ragnarsson, stærðfræðinemi við Háskóla Íslands, Kristinn Jón Bjarnason, í tölvunarfræðinámi við Gallaudet University í Washington, Páll Þórðarson, í doktorsnámi í efnafræði við The University of Sydney í Ástralíu, Hrefna Fanney Matthíasdóttir, nemandi við Flugskóla Íslands, Sigurður Hannesson, nemandi á eðlisfræðibraut Menntaskólans á Akureyri og Jakob Ingimundarson, kvikmyndagerðarnemi við The London Internetional Film School.
Í dómnefndinni sem sá um val á styrkþegum voru: Guðfinna S. Bjarnadóttir, rektor Háskólans í Reykjavík, Finnur Beck, fráfarandi formaður Stúdentaráðs, Björn Líndal, framkvæmdastjóri viðskiptabankasviðs, Helgi S. Guðmundsson, formaður bankaráðs, og Kristín Rafnar starfsmannastjóri.