Listasafn Íslands ÞREMUR sýningum lýkur í Listasafni Íslands næstkomandi sunnudag; Þrír málarar á Þingvöllum, Ásgrímur Jónsson, Jóhannes S. Kjarval og Jón Stefánsson.
Listasafn Íslands
ÞREMUR sýningum lýkur í Listasafni Íslands næstkomandi sunnudag; Þrír málarar á Þingvöllum, Ásgrímur Jónsson, Jóhannes S. Kjarval og Jón Stefánsson. Fjöldi verka var fenginn að láni af þessu tilefni en þessir málarar hafa með túlkun sinni allir átt þátt í að opna augu manna fyrir fegurð og kynngi staðarins.; Listamenn 4. áratugarins, er sýning á verkum í eigu safnsins eftir þrjá expressjóníska málara, þá Jóhann Briem, Jón Engilberts og Snorra Arinbjarnar og ,,Annars vegar fólk og íslenskir fánar" verk eftir Birgi Andrésson.Á sýningunum hefur verið reynt að varpa ljósi á nokkur svið íslenskrar myndlistar ásamt því að kynna verk starfandi listamanns.
Listasafn Íslands er opið alla daga, nema mánudaga, kl. 11-17. Aðgangseyrir er 400 kr. alla daga nema miðvikudaga, en þá er aðgangur ókeypis.
Norræna húsið
Sýningin Terror 2000 lýkur á sunnudag. Það er Listamannahópurinn ROR Productions (Revolutions on Request) sem stendur að sýningunni.Norræna húsið er opið kl. 12-17.