Golfverslunin hefur opnað vef þar sem golfáhugamenn á hvaða aldri sem er geta keypt golfvörur, hverju nafni sem þær nefnast. Einnig eru upplýsingar um kennslu í golfi, upplýsingar um íþróttina og tengla í ýmsa vefi hér heima og erlendis.
Vefsetrið konur.is hefur opnað fyrir spjallrás, sem er opin öllum konum á hvaða aldri sem er. Konur geta skráð sig í klúbbinn "Konur spjalla" á vefsetrinu og tekið þátt í umræðum þar um þau málefni sem þær vilja. Gert er ráð fyrir að sérstakir gestir heimsæki spjallrásina í vetur til að spjalla um ákveðin málefni.
Íslenskir aðalverktakar hafa opnað vef þar sem hægt er að skoða framkvæmdir fyrirtækisins og það húsnæði sem fyrirtækið hefur til sölu og er með í smíðum, hvort sem það er íbúðar- eða atvinnuhúsnæði.
Verslun Egils Árnasonar hefur á vef sínum upplýsingar um vörur sem fyrirtækið hefur til sölu; hvort sem það eru parket, flísar, hurðir, þiljur eða ljós.
Veitingastaðurinn Apótekið er kominn með vef þar sem hægt er að panta borð og skoða matseðla eða lista yfir drykki.
Kerfisþróun ehf. hefur tekið í notkun nýja heimasíðu sem ætlað er að bæta þjónustuna við viðskiptavini, sem geta nú fylgst með þróun bókhaldsforritsins Stólpa fyrir Windows.
vefur.net/bokautgafa
Bókaútgáfa Orators, félag laganema, hefur opnað vef þar sem hægt er að skoða ný rit, gerast félagi í bókaklúbbnum og sækja um netpóst.
Þetta er vefur ungra jafnaðarmanna sem vilja með síðunni kynna markmið sín og stefnu. Þar er að finna greinar, upplýsingar um ritstjórn vefjarins, tengla og stefnumál.
Ljóstæknifélag Íslands er kominn með vef, en markmið þess er að stuðla að betri lýsingu og sjónskilyrðum og veita almenna, hlutlausa fræðslu um allt er varðar lýsingu og sjónstarf.
Matvæla- og veitingasamband Íslands er með vef þar sem hægt er að skoða kjarasamninga þess, fréttir, lög og reglugerðir, kaupskrá, upplýsingar um orlofshús og tengingar við stofnanir og félög er tengjast starfsemi Matvís.
Discussion er vefur er tengist verkefninu Cafe9, sem er hluti af netviðburðum er tengjast því að Reykjavík er ein af menningarborgum Reykjavíkur í ár. Á vefnum er ætlunin að halda þing fljótandi umræðu.
Skólatorgið er vefútgáfukerfi og þjónustuvefur fyrir alla grunnskóla landsins sem gefur skólunum færi á að efla samskipti milli heimila og skóla með miðlun upplýsinga.
Sendið upplýsingar um nýja vefi á netid@mbl.is .
Til baka
Leita í greinasafni
Prenta grein
