Í TILEFNI af opnun nýs kjúklingastaðar Kentucky Fried Chicken (KFC) í Mosfellsbæ í gær, veitti fyrirtækið Styrktarfélagi krabbameinssjúkra barna (SKB) eina milljón króna til starfsemi SKB að gjöf, auk þess sem 10% af verði barnaboxa munu í sumar renna til starfsemi félagsins. Krabbameinssjúkum börnum og fjölskyldum þeirra var boðið að vera við opnunina, en í félaginu eru rúmlega 170 börn og aðstandendur þeirra.
Að sögn Rósu Guðbjartsdóttur, framkvæmdastjóra SKB, er starfsemi félagsins að mestu leyti fjármögnuð af einstaklingum og fyrirtækjum og því komi styrkir á borð við þennan ávallt í góðar þarfir. Hún segir að þau fjárframlög sem félaginu berist fari einkum í beina fjárhagsaðstoð til fjölskyldna krabbameinssjúkra barna, félagslegan stuðning við fjölskyldurnar og einnig sé nokkru af fénu varið til kaupa á tækjum eða búnaði inn á barnadeildir.
Til baka
Leita í greinasafni
Prenta grein
